რაჭაში, კურორტ შოვის ტერიტორიაზე მომხდარი სტიქიური უბედურების შედეგად დაღუპულთა რაოდენობა 24-მდე გაიზარდა. დღეს, 11 აგვისტოს, 3 ადამიანის ცხედარი იქნა ნაპოვნი.
ახალი ამბები
მკითხველის რჩეული
- 1 რატომ უნდა შეეჩერებინა საკონსტიტუციოს რუსული კანონის მოქმედება - 2 მოსამართლის განსხვავებული აზრი
- 2 თსუ-ის ფაკულტეტმა არ ისურვა ჩემთან ურთიერთობის გაგრძელება - დიტო საძაგლიშვილი
- 3 კობახიძე შუქრუთელების პროტესტზე - ასეთი აქციები ხშირად ემთხვევა წინასაარჩევნო პერიოდს
- 4 ზურაბიშვილი: ივანიშვილმა ომი გამოუცხადა ჩვენს მეგობრებს, რომ მოსკოვის გვერდით დამდგარიყო
- 5 ამ მთავრობამ ან პირი იცვალა, ან თავიდანვე შენიღბულად პრორუსული იყო - ზურაბიშვილი
- 6 რუსეთი მზადაა საქართველოს „აფხაზეთისა და სამხრეთ ოსეთის ქვეყნებთან“ შერიგებაში დაეხმაროს
„დღეს აღმოჩენილია 3 ცხედარი და ერთი სხეულის ფრაგმენტი. გრძელდება და მიმდინარეობს შველა-ძიების სამუშაოები“, - განაცხადა დღის ბოლოს რეგიონული განვითარებისა და ინფრასტრუქტურის მინისტრმა, ირაკლი ქარსელაძემ.
3 ცხედრიდან ერთი მაშველებმა დილის საათებში, მდინარე რიონში, სტიქიის ეპიცენტრიდან დაახლოებით 20 კილომეტრის დაშორებით იპოვეს.
ერთი კვირის წინ, 3 აგვისტოს მოვარდნილმა გლაციალურმა ღვარცოფმა კურორტი შოვი თითქმის მთლიანად გაანადგურა. სტიქიამ მიწასთან გაასწორა კურორტზე არსებული კოტეჯები, დააზიანა სასტუმრო, წაიღო ავტომობილები და შოვამდე მისასვლელი ერთადერთ სამანქანო გზაზე ხიდები დაანგრია. მაშველებმა სტიქიის ზონაში შესვლა 3 საათის შემდეგ, მხოლოდ სასაზღვრო პოლიციის ვერტმფრენებით მოახერხეს. 3 და 4 აგვისტოს, შოვიდან 210 ადამიანი გამოიყვანეს.
ღვარცოფს სულ მცირე 24 ადამიანი ემსხვერპლა, რომელთაგან 19 იდენტიფიცირებულია. 10-მდე ადამიანის სამძებრო სამუშაოები გრძელდება. როგორც გარდაცვლილებს, ისე დაკარგულებს შორის არიან ბავშვები. ხელისუფლების წარმომადგენლები აცხადებენ, რომ ტრაგედიის თავიდან არიდება შეუძლებელი იყო.
