Բաթումիի նավահանգստի մերձակայքում, որտեղ քաղաքացիները բողոքել են Սոչիից ժամանած Astoria Grande զբոսանավի դեմ, ոստիկանները ձերբակալել են 9 հոգու։ ՆԳՆ տեղեկատվության համաձայն, չնայած բազմաթիվ կոչերին, ձերբակալվածները չեն կատարել իրավապահների օրինական պահանջը։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Ակցայի մասնակիցներին մեղադրանք է առաջադրվել վարչական իրավախախտումների վերաբերյալ օրենսգրքի 166-րդ և 173-րդ հոդվածներով, ինչը նշանակում է մանր խուլիգանություն և իրավապահ մարմինների օրինական պահանջին չենթարկվել։
ՆԳՆ-ն կոչ է անում ակցայի մասնակիցներին դուրս չգալ օրենքով թույլատրված հավաքների և արտահայտվելու ազատության շրջանակներից։
Հուլիսի 29-ին Սոչիի նավահանգստից մեկնած Astoria Grande զբոսաշրջանավը, որի ուղևորների թվում են ռուս զբոսաշրջիկներ, այսօր լուսադեմին Թուրքիայի Տրապիզոն քաղաքից մտել է Բաթումիի նավահանգիստ։ Ցույցի մասնակիցները գիշերը հավաքվել են Բաթումիի նավահանգստում։ Ներքին գործերի նախարարությունը մոբիլիզացրել է պարեկային և քրեական ոստիկանության, ինչպես նաև հատուկ նշանակության ջոկատի աշխատակիցներին և երկաթե պատնեշներով փակել է դեպի նավ տանող ճանապարհը։
Ռուսական զբոսաշրջային նավը վերջին տաս օրվա ընթացքում երկրորդ անգամ է մտել վրացական նավահանգիստ։ Հուլիսի 27-ին Astoria Grande-ին Բաթումիից ճանապարհել են բողոքի ակցիայով, որը «Վրացական երազանքի» նախագահ Իրակլի Կոբախիձեն «հիմար քայլ» է անվանել։ Այս անգամ զբոսանավում են եղել նաև ռուսական էստրադայի երգիչներն ու RU.TV երաժշտական ալիքի հաղորդավարները։
Վրաստանի ծովային տրանսպորտի գործակալությունը նշում է, որ Astoria Grande-ն շահագործվում է թուրքական զբոսաշրջային ընկերության կողմից, նավի սեփականատերը գրանցված է Սեյշելյան կղզիներում և չի ենթարկվում միջազգային պատժամիջոցների։ Ուստի նա իրավունք ունի նավահանգիստ մտնել։
Բաթումին այս տարի առաջին անգամ ընդգրկվել է Astoria Grande-ի զբոսանավային երթուղում։ Մինչ այդ ծրագիրը ներառում էր այցելություններ Թուրքիայի քաղաքներ՝ Տրապիզոն, Ամասրա և Ստամբուլ։ Պաշտոնական կայքում հրապարակված տեղեկության համաձայն՝ օգոստոսին և հաջորդող ամիսներին նախատեսված նմանատիպ ուղևորություներն այլևս չեն ներառի կանգառ Բաթումիում։
