Իսրայելի պաշտպանության բանակն արգելում է զինվորականներին, այդ թվում՝ պահեստազորիներին մեկնել Վրաստան և Ադրբեջան, իսկ նրանց, ովքեր այս երկրներում են գտնվում ոչ աշխատանքային նպատակով, կոչ է անում անհապաղ վերադառնալ հայրենիք։ Ըստ լրատվամիջոցների՝ Ցահալը համապատասխան հրահանգը տվել է օգոստոսի 11-ին։ Վրաստանի կառավարությունը դեռ չի արձագանքել այս հարցին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Ինչպես գրում է The Times of Israel-ը, հրահանգը տրվել է մտավախությունների ֆոնին, որ Իրանը կարող է փորձել այդ երկրներում թիրախավորել մարդկանց՝ ի պատասխան պաղեստինյան ահաբեկչական ՀԱՄԱՍ խմբավորման քաղաքական առաջնորդ Իսմայիլ Հանիեի սպանության։
Հրատարակության համաձայն՝ Ցահալից միայն ասել են, որ Իսրայելը մշտապես գնահատում է սպառնալիքը և համապատասխանաբար թարմացնում է այն երկրների ցանկը, որտեղ թույլատրվում է զինվորականների մուտքը։
Հուլիսի 31-ի գիշերը Իրանի մայրաքաղաք Թեհրանում սպանվել է ՀԱՄԱՍ-ի քաղբյուրոյի ղեկավար Իսմայիլ Հանիեն։ Ըստ ԶԼՄ-ների՝ նա զոհվել է տանը՝ ռումբի պայթյունից։ Իսրայելի իշխանությունները պաշտոնապես չեն ստանձնել միջադեպի պատասխանատվությունը, չնայած Իրանը սպառնում է պատասխան գործողություններ ձեռնարկել։ Ուրբաթ օրը, Իրանի Իսլամական հեղափոխության պահապանների կորպուսը հայտարարել է, որ դիտարկում է Իսրայելի սահմաններից դուրս գտնվող թիրախներին հարվածելու հնարավորությունը։
Իսմայիլ Հանիեն Թեհրան է մեկնել Իրանի նոր նախագահ Մասուդ Փեզեշքիանիի երդմնակալության արարողությանը մասնակցելու նպատակով։ Նշված միջոցառմանը, որն անցկացվել է հուլիսի 30-ին, Հանիեի հետ միասին ներկա է եղել նաև Վրաստանի վարչապետ Իրակլի Կոբախիձեն։