ისრაელის თავდაცვის ძალები ჯარისკაცებს, მათ შორის რეზერვისტებს, საქართველოსა და აზერბაიჯანში მოგზაურობას უკრძალავს, ხოლო მათ, ვინც ამ ქვეყნებში არასამსახურებრივად იმყოფებიან, დაუყოვნებლივ სამშობლოში დაბრუნებისკენ მოუწოდებს. მედიის ინფორმაციით, ცაჰალმა შესაბამისი დირექტივა 11 აგვისტოს გამოსცა. საქართველოს ხელისუფლება ამ საკითხს ჯერ არ გამოხმაურებია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
როგორც The Times of Israel წერს, დირექტივა გამოიცა შეშფოთების ფონზე, რომ ირანი შესაძლოა ეცადოს ამ ქვეყნებში მისწვდეს სამიზნეებს თეირანში პალესტინური ტერორისტული დაჯგუფება „ჰამასის“ პოლიტიკური ლიდერის, ისმაილ ჰანიეს მკვლელობის საპასუხოდ.
გამოცემის ინფორმაციით, ცაჰალში ამ საკითხზე მხოლოდ ის თქვეს, რომ ისრაელი მუდმივად ახორციელებს საფრთხის შეფასებას და შესაბამისად აახლებს იმ ქვეყნების ჩამონათვალს, სადაც სამხედრო მოსამსახურეებისთვის შესვლა ნებადართულია.
31 ივლისის ღამეს, ირანის დედაქალაქ თეირანში ჰამასის პოლიტბიუროს ხელმძღვანელი ისმაილ ჰანიე მოკლეს. მედიის ინფორმაციით, ის სახლში ბომბის აფეთქების შედეგად დაიღუპა. ისრაელის ხელისუფლებას მომხდარზე პასუხისმგებლობა ოფიციალურად არ აუღია, თუმცა ირანი საპასუხო ქმედებებით იმუქრება. მედიის ცნობით, პარასკევს, ირანის ისლამური რევოლუციის გვარდიის კორპუსმა განაცხადა, რომ განიხილავს ისრაელის გარეთ სამიზნეებისთვის დარტყმის შესაძლებლობასაც.
ისმაილ ჰანიე თეირანში ირანის ახალი პრეზიდენტის, მასუდ ფეზეშქიანის ინაუგურაციისთვის იყო ჩასული. აღნიშნულ ღონისძიებას, რომელიც 30 ივლისს გაიმართა, ესწრებოდა საქართველოს პრემიერ-მინისტრი ირაკლი კობახიძეც, რომელიც ჰანიეს სიახლოვეს იჯდა.
