პალესტინური ტერორისტული დაჯგუფება „ჰამასის“ პოლიტიკური ლიდერი ისმაილ ჰანიე თეირანში მოკლეს. მანამდე ის ირანის ახლად არჩეული პრეზიდენტის ინაუგურაციას ესწრებოდა.
ახალი ამბები
მკითხველის რჩეული
- 1 რა მოხდა თელავის სასტუმროში, სადაც რუსეთის მოქალაქის ცემის ბრალდებით მამაკაცი დააკავეს
- 2 ქართველი სამხედრო მფრინავი ზვიად ბექაური დაიღუპა კონგოს დემოკრატიულ რესპუბლიკაში
- 3 გაუპატიურება, წამება და დაკარგული ჩვილი - ნატა ვიბლიანის საქმეზე გამოძიება დაიწყო
- 4 დამოუკიდებელი მედიების რედაქტორები ელისო კილაძის საქმის განხილვის საჯაროობას ითხოვენ
- 5 მძღოლს, რომელმაც გორში ავარიით დედა-შვილი იმსხვერპლა, 225 ვიდეოჯარიმა ჰქონდა
- 6 „სააფთიაქო ნარკომანიის“ საქმეზე დააპატიმრეს ჯანდაცვის მინისტრის ყოფილი მოადგილე
ისლამისტური დაჯგუფების მიერ გავრცელებულ განცხადებაში ნათქვამია, რომ ისმაილ ჰანიე მის რეზიდენციაზე ისრაელის თავდასხმის შედეგად დაიღუპა. ისრაელის ხელისუფლებას ამ საკითხზე კომენტარი ჯერ არ გაუკეთებია.
ჰანიას გარდაცვალების შესახებ ინფორმაცია ირანის ისლამური რევოლუციის გვარდიის კორპუსმაც გაავრცელა და განაცხადა, რომ ჰამასის ლიდერთან ერთად მისი ერთ-ერთი მცველიც არის მოკლული.
ისმაილ ჰანიე „ჰამასის“ პოლიტბიუროს თავმჯდომარის თანამდებობას იკავებდა და დაჯგუფების პოლიტიკურ ოპერაციებს, მათ შორის, მოლაპარაკებებს ხელმძღვანელობდა.
ჰანიე თეირანში ირანის პრეზიდენტის, მასუდ ფეზეშქიანის ინაუგურაციისთვის იყო ჩასული. აღნიშნულ ღონისძიებას, რომელიც 30 ივლისს გაიმართა, ესწრებოდა საქართველოს პრემიერ-მინისტრი ირაკლი კობახიძეც.
მაისში, ჰააგის სისხლის სამართლის საერთაშორისო სასამართლოს პროკურორმა „ჰამასის“ სამი ლიდერის, მათ შორის, ჰანიეს დაპატიმრების ორდერის გამოცემა მოითხოვა. პროკურორის განცხადებით, მათ ეკისრებათ პასუხისმგებლობა 2023 წლის 7 ოქტომბერს ისრაელზე თავდასხმასა და ისრაელის ასობით მოქალაქის მკვლელობაზე.
