Հարավային Օսիայի դե ֆակտո խորհրդարանի պատգամավորները Հարավային Օսիայի Հանրապետության անկախության ճանաչման հարցով պատրաստվում են դիմել Բելառուսի խորհրդարանին։ Այս առաջարկով հուլիսի 5-ին այսպես կոչված խորհրդարանի նիստում ելույթ է ունեցել պատգամավոր Ալան Տեխովը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Մենք ունենք հնարավորություն։ Եթե նախկինում նրանց խանգարում էին որոշակի քաղաքական հետևանքները, այդ թվում՝ պատժամիջոցները, ապա այսօր պատժամիջոցներն արդեն կան»,- ասել է այսպես կոչված պատգամավորը՝ հավելելով, որ այս հարցով Բելառուսին պետք է դիմի նաև դե ֆակտո Հանրապետության արտաքին գործերի նախարարությունը։
Այսպես կոչված խորհրդարանի նախագահ Ալան Ալբորովը հարցի մշակումը հանձնարարել է արտաքին քաղաքականության և միջխորհրդարանական հարաբերությունների հանձնաժողովի նախագահ Զազա Դրիաևին։
2022 թվականի փետրվարի սկզբին Բելառուսի նախագահ Ալեքսանդր Լուկաշենկոն հայտարարել էր, որ կճանաչի Վրաստանի օկուպացված տարածքների անկախությունը, եթե ՌԴ նախագահ Վլադիմիր Պուտինը նրան ասի, որ կա դրա անհրաժեշտությունը։ Նույն թվականի սեպտեմբերին Լուկաշենկոն ժամանել է օկուպացված Աբխազիա և Բիճվինթայի պետական ամառանոցում հանդիպել անջատողական կառավարության ղեկավարների հետ։
Այսօր Վրաստանի օկուպացված շրջանների՝ Աբխազիայի և Ցխինվալիի անկախությունը ճանաչում են Ռուսաստանը, Նիկարագուան, Վենեսուելան, Նաուրուն և Սիրիան։
