Թբիլիսիի քաղաքային դատարանը բավարարել է ազդեցիկ դատավորներ Միխեիլ Չինչալաձեի, Լևան Մուրուսիձեի, Սերգո Մեթոփիշվիլիի և Վասիլ Մշվենիերաձեի հայցը, ինչի հետևանքով Հակակոռուպցիոն բյուրոն այս փուլում չի կարողանա ստուգել նրանց հայտարարագրերը։ Այս դատավորներից երկուսը` Միխեիլ Չինչալաձեն և Լևան Մուրուսիձեն, պատժամիջոցների են ենթարկվել ԱՄՆ Պետդեպարտամենտի կողմից «զգալի կոռուպցիայի մեջ ներգրավվածության համար»:
Լրահոս
Ընթերցողի ընտրանի
- 1 «Վրաստանը Ջորջիան չէ». ինչ են ասում Մոսկվայից Թբիլիսիում շարունակվող բողոքի ակցիաների մասին
- 2 Կառավարությունը մայիսի 7-ը, 8-ը և 10-ը հայտարարել է ոչ աշխատանքային օրեր
- 3 Ստանո՞ւմ ես ֆինանսավորման ավելի քան 20%-ը դրսից, հայտարարագրի՛ր․ Լավրովը՝ «Երազանքի» ռուսական օրենքի մասին
- 4 Գերմանիան Վրաստանի կառավարությանը կոչ է արել չխոչընդոտել երկրի ուղին դեպի եվրոպական ապագա
- 5 «Բոլորը մեկ մարդու նման Ռուսթավելի»․ հանրային ծառայողների մոբիլիզացիան «Երազանքի» հակաակցիայի համար
- 6 Սա բռնություն է սահմանադրության նկատմամբ, Իվանիշվիլիի ելույթը սադրիչ էր. Նախագահը՝ դեսպաններին
«2024 թվականի հունվարի 12-ին Հակակոռուպցիոն բյուրոյի կողմից ստեղծված անկախ հանձնաժողովն ընտրել է 300 պաշտոնյայի, այդ թվում՝ 27 դատավորի, որոնց ունեցվածքի հայտարարագրերը պետք է ստուգվեին 2024 թվականին։ Հանձնաժողովն այս որոշումը կայացրել է՝ օգտագործելով հանրային բարձր հետաքրքրության և կոռուպցիայի բարձր ռիսկի չափորոշիչները։
Ընտրված անձանց ցուցակում ընդգրկվել են Միխեիլ Չինչալաձեն, Լևան Մուրուսիձեն, Սերգո Մեթոփիշվիլին և Վասիլ Մշվենիերաձեն։ Այս դատավորները դիմել են Թբիլիսիի քաղաքային դատարան և խնդրել անվավեր ճանաչել հանձնաժողովի նիստի արձանագրությունը։ Դատավորներ Լեյլա Փոլադիշվիլին, Վալերիա Փիլիշվիլին, Նինո Բուաչիձեն և Լելա Միլդենբերգերը դադարեցրել են Չինչալաձեի, Մուրուսիձեի, Մեթոփիշվիլիի և Մշվենիերաձեի հայտարարագրերի քննությունը։ Հարկ է նշել, որ
ընտրված 300 քաղաքական և մասնագիտական պաշտոններ զբաղեցնող պաշտոնյաներից միայն դատավորներն են խնդրել կասեցնել իրենց ունեցվածքի ստուգման գործընթացը։
Դատավորներն արդարադատություն են իրականացնում Վրաստանի անունից, իսկ արդարադատությունը կոռուպցիայի համար առավել խոցելի ոլորտներից մեկն է: Միևնույն ժամանակ, հանրությանը հասանելի մի շարք տեղեկություններ, այդ թվում՝ «Մոնիտոր» ստուդիայի լրագրողական հետաքննությունը, վկայում են Միխեիլ Չինչալաձեի և Լևան Մուրուսիձեի եկամուտների հատուկ ուսումնասիրության անհրաժեշտության մասին։
Ազնիվ դատավորը չպետք է առարկի, որ Հակակոռուպցիոն բյուրոն ստուգի իր հայտարարագրում ներառված տեղեկատվությունը։ Իսկ դատավորների կողմից իրենց գույքային կարգավիճակի մասին հայտարարագրերը ստուգելուն խոչընդոտելը հիմնավոր կասկածներ է հարուցում նրանց հայտարարագրերում ներառված տեղեկատվության հավաստիության վերաբերյալ»,- ասվում է Երիտասարդ իրավաբանների ասոցիացիայի, Միջազգային թափանցիկություն Վրաստանի և Տեղեկատվության ազատության զարգացման ինստիտուտի համատեղ հայտարարության մեջ։
Կազմակերպությունները կոչ են անում Հակակոռուպցիոն բյուրոյին հրապարակել դատավորների կողմից ներկայացված հայցերը, ինչպես նաև դատարանի կողմից ընդունված միջանկյալ ակտերը և հանրությանը տրամադրել ամբողջական տեղեկատվություն քննարկված փաստի վերաբերյալ, ինչը էապես խաթարում է դատարանի նկատմամբ վստահությունը։
