Դատարանը վարույթ չի ընդունել Գուբազ Սանիկիձեի հայցն ընդդեմ վարչապետի

«Դատարանը մերժել է հայցը, ասում են բավարար ապացույցներ չկա։ Երեք միլիոն մարդ եթերով դիտել է, թե ինչպես է ինձ զրպարտել և սուտ տեղեկություններ տարածել Վրաստանի այսպես կոչված վարչապետը, մենք երեք ձայնասկավառակ են կցել նյութին որպես ապացույց, իսկ պատասխանում ասվում է, որ ապացույցները բավարար չէ։ Բացի այդ, այնտեղ ասվում է, որ անհասկանալի է այն, ինչ ես խնդրում եմ։ Սակայն ես խնդրում եմ, որ Իրակլի Ղարիբաշվիլին պաշտոնապես և բացահայտ հերքի իր ասածը և ներողություն խնդրի։ Վրաստանի խորհրդարանի պատգամավորին զրկել են դատարանից օգտվելու պայմանական իրավունքից, իսկ ի՞նչ կանեն շարքային քաղաքացուն։ Ղարիբաշվիլին բաց և ամբողջական կապիտուլյացիայի է հայտարարել այս հարցով»,- ասել է Գուբազ Սանիկիձեն «Պիրվելի» հեռուստաընկերության եթերում։

Սանիկիձեի խոսքով՝ ինքը դեռ որոշում չի կայացրել, թե կշարունակի՞ արդյոք վեճը դատարանում։

Փաստաբան և հայցի հեղինակ Վալերի Գելբախիանին ապրիլի 6-ին հայցադիմումը վարույթ ընդունելու մերժման մասին ծանուցում ստանալուց հետո ասել է, որ դատավոր Արչիլ Կոճլամազաշվիլիի որոշումը հակասահմանադրական է և սահմանափակում է դատարան դիմելու իրավունքը։

«Այդ հայցում հարցը բարձրացվել է երկու ձևով՝ Վրաստանն ունի խոսքի և արտահայտվելու ազատության մասին օրենք և քաղաքացիական օրենսգրքի 18-րդ հոդված։ Երկուսն էլ կապված են պատվի պաշտպանության հետ, բայց մեկը լրիվությամբ զրպարտության մասին է։ Սանիկիձեի պնդումն այն էր, որ վարչապետի հայտարարությունները զրպարտության բովանդակություն չեն ունեցել։ Վարչապետը նպատակ ուներ վնասել իր պատիվն ու համբավը: Ուստի նա զրպարտության նշաններ չի տեսել սրա մեջ: Այսպես է դրվել հայցադիմումի այլընտրանքը՝ եթե կարծում եք, որ դատարանը պետք է ընտրի դրանցից մեկը, ապա ընտրեք 18-րդ հոդվածը [պատվի, արժանապատվության և համբավի պաշտպանություն], եթե ոչ՝ քննարկեք խոսքի ազատության մասին օրենքով: Յուրաքանչյուր քննարկում ունի իր արդյունքը։ Եթե ​​Կոճլամազաշվիլին կարդացել է Ղարիբաշվիլիի ազգանունը և հավանաբար ցնցվել է։ Սա կոռուպցիայի նշան է՝ քանի որ դուք բողոքում եք վարչապետի դեմ, ես չեմ պաշտպանելու ձեր դիրքորոշումը»,- նշել է Գելբախիանին։

Մարտի 24-ին խորհրդարանում ելույթի ժամանակ Ղարիբաշվիլին Սանիկիձեին ասել է, որ վերջինս վաճառվել է Սաակաշվիլիին 100 հազար դոլարով, որ նա սրիկա է, դավաճան և ստոր։ Վարչապետի անհիմն ու վիրավորական հայտարարությանը Սանիկիձեն պատասխանել է հայհոյանքով: Վարչապետի կուսակից պատգամավորները նիստերի դահլիճից դուրս գալուց հետո հետապնդել են Սանիկիձեին՝ բանավոր և ֆիզիկական վիրավորանք հասցրել նրան։