ԵՄ արտաքին գործերի և անվտանգության քաղաքականության բարձր ներկայացուցիչ Ժոզեֆ Բորելի խոսքով, Վրաստանի կառավարությունը պետք է լուրջ փոփոխություններ իրականացնի, թեկուզ այն բանի համար, որ երկիրը չկորցնի թեկնածուի կարգավիճակը։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 4 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
- 5 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 6 ԿԸՀ-ի դիմումի հիման վրա կառավարությունը հոկտեմբերի 25-ը հայտարարել է ոչ աշխատանքային օր
Այս մասին Բորելը հայտարարել է Կիևում, որտեղ հարցազրույց է տվել «Ուկրաինսկա պրավդա»-ին։
«Ես Վրաստանի և Ուկրաինայի միջև նմանություն չեմ տեսնում, ընդհանրապես։ Ուկրաինայի նախագահն ու կառավարությունը լիովին հավատարիմ են ԵՄ անդամակցությանը, ինչպես և ուկրաինական հասարակությունը: Կասկածից վեր է, որ ձեր երկիրը ցանկանում է դառնալ Եվրամիության անդամ։ ԵՄ անդամակցությունը անվտանգության ամենաուժեղ պարտավորությունն է կամ անվտանգության երաշխիքը, որը մենք կարող ենք առաջարկել Ուկրաինային։
Վրաստանի դեպքում, իհարկե, դա այդպես չէ։ Մենք Վրաստանի կառավարիչներին, Վրաստանի կառավարությանը ասել ենք, որ նրանք հեռանում են եվրոպական ուղուց, և եթե ցանկանում են դառնալ Եվրամիության անդամ, պետք է փոխեն իրենց հաստատած օրենքը, լուծեն ընտրությունների ժամանակ բացահայտված խնդիրները, և վերադառնան իրենց ուղուն: Նրանց մեծ փոփոխություններ են պետք, որպեսզի կրկին դիտարկվեն որպես ԵՄ անդամակցության թեկնածու»,- ասել է Բորելը, ով նաև Եվրահանձնաժողովի փոխնախագահն է։
Հոկտեմբերի 30-ին Եվրահանձնաժողովը հրապարակեց իր ամենամյա ընդլայնման փաթեթը, որը գնահատում է տասը երկրների, այդ թվում՝ Վրաստանի առաջընթացը ԵՄ անդամակցության ճանապարհին։ Եվրահանձնաժողովը հայտարարում է, որ Վրաստանի անդամակցության գործընթացը դե ֆակտո կասեցվել է երկրի կառավարության գործողությունների պատճառով և խորհուրդ չի տա սկսել Վրաստանի հետ անդամակցության բանակցությունները, քանի դեռ երկիրը չի փոխել իր ընթացքը։ Իշխող «Վրացական երազանքը» հերքում է այս փաստը։
