Սակրեբուլոյի մեծամասնական պատգամավորի ընտրության 40 տոկոս ընտրական շեմը կարող է չեղարկվել 2025 թվականի տեղական ինքնակառավարման մարմինների ընտրություններին։ Սա նախատեսված է «Վրացական երազանքի» պատգամավորների օրենքի նախագծով, որն այսօր կներկայացվի խորհրդարանի բյուրոյին։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Ընտրական օրենսգրքում 2021 թվականին գրվել է, որ մեծամասնական ընտրակարգով սակրեբուլոյի անդամ ընտրված կհամարվի այն թեկնածուն, ով կհավաքի ընտրություններին մասնակցող ընտրողների իրական ձայների ավելի քան 40%-ը։ Եթե թեկնածուներից ոչ մեկը չի հավաքել անհրաժեշտ թվով ձայներ, անցկացվում է ընտրությունների երկրորդ փուլ, որին մասնակցում են լավագույն արդյունք գրանցած երկու թեկնածուները։ Հաղթում է նա, ով ավելի շատ ձայներ է հավաքում։
Օրենքի նախագծի պարզաբանման մեջ կարդում ենք, որ գործող կանոնակարգի հիման վրա հաճախակի են լինում դեպքեր, երբ անհրաժեշտ է լինում անցկացնել սակրեբուլոյի ընտրությունների երկրորդ փուլ, ինչն իր հերթին խոչընդոտում է սակրեբուլոյի արագ համալրմանը որպես ներկայացուցչական մարմին և, համապատասխանաբար, նրա անմիջական արդյունավետ գործունեությանը: Օրենքի նախագծի հեղինակները կարծում են, որ փոփոխությունների արդյունքում հնարավոր կլինի շատ ավելի կարճ ժամկետում գումարել սակրեբուլոյի առաջին նիստը։
«Սա այն արատավոր, այսպես կոչված ապրիլի 19-ի Շառլ Միշելի համաձայնագրի մնացորդն է։ Սա պետք է շտկվի, և յուրաքանչյուր գյուղ, քաղաք կամ բնակավայր պետք է կարողանա մեկ ընտրությունների միջոցով ընտրել իր ներկայացուցչին, ինչպես դա տեղի է ունենում գործնականում ամենուր աշխարհում»,- փոփոխությունների մասին ասել է «Վրացական երազանքի» անդամ Իրակլի Քադագիշվիլին։
Խորհրդարանական մեծամասնության առաջնորդ Մամուկա Մդինարաձեի կարծիքով՝ 40 տոկոսի շեմի չեղարկումը պետք է ավելի հարմար լինի ընդդիմությանը։ «Եթե համաձայն չեք, եկեք դրա մասին էլ խոսենք՝ թողենք, թե չթողեք»,- ասել է Մդինարաձեն։
Ըստ նախկին վարչապետ Գիորգի Գախարիայի կուսակցության՝ այս նախաձեռնությունը հաստատում է, որ ընտրողների վստահությունը իշխող կուսակցության նկատմամբ պատմական ցածր մակարդակի վրա է.
«Վրացական երազանքը», որն ամեն օր մեզ խաբում է, թե 60 տոկոս վարկանիշ ունի, իրականում 35 տոկոսի հույս էլ չունի։ Այս օրենքի ընդունումը հենց դա է նշանակում։ Ստի մեջ կորած «Երազանքը» մի բան է ասում, մեկ այլ բան անում: Այս քայլերով էլ «Երազանքը» հիշեցնում է «Ազգային շարժումին»։ 2010 թվականին, հենց ինքնակառավարման ընտրություններից առաջ, Միխեիլ Սաակաշվիլին չեղյալ հայտարարեց սակրեբուլոյում մեծամասնական կարգով ընտրվելու համար առնվազն 30 տոկոսի աջակցությունը։ Այսօր իշխանությունը կորցնելու հիստերիկ վախերով առաջնորդվող «Երազանքը» անում է նույնը, ինչ անում էր «Ազգային շարժումը» նախկինում»,- ասել է «Հանուն Վրաստանի» կուսակցության անդամ Բեքա Լիլուաշվիլին։
Ընտրական օրենսգրքում փոփոխություններ կատարելու համար «Վրացական երազանքին» անհրաժեշտ կլինի խորհրդարանի ամբողջական կազմի առնվազն երկու երրորդի (100 պատգամավորի) աջակցությունը։
