Վրաստանի հանրային պաշտպան Լևան Իոսելիանին կոչ է անում ՆԳՆ-ին անհապաղ արձագանքել դեկտեմբերի 7-ին «Պիրվելի» հեռուստաընկերության նկարահանող խմբի և քաղաքացիների վրա կատարված հարձակումներին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 4 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 5 «Մենք գիտենք, թե դա ինչ է». Ալիևը՝ Վրաստանում ոչ կառավարական կազմակերպությունների ֆինանսավորման մասին
- 6 Իվանիշվիլին պետք է որոշում կայացնի և նշանակվեն նոր ընտրություններ․ նախագահ
«Ես, հավանաբար, ինչպես յուրաքանչյուր քաղաքացի, ով տեսել է այս կադրերը, ցնցված եմ։ Անհնար է պատկերացնել, որ Թբիլիսիի փողոցներում սևազգեստ մարդիկ այսպես հարձակվեն մարդկանց վրա։ Եվս մեկ անգամ շտապ կոչ եմ անում ՆԳՆ ղեկավարությանը և պարեկային ոստիկանությանը՝ կանխել այն, ինչ հիմա տեսնում ենք փողոցներում և պատասխանատվության ենթարկել հանցագործությունը կատարած բոլոր մարդկանց։
Այսպես երկիրը կհասնի քաղաքացիական պատերազմի, եթե սա ինչ-որ տեղ չկանգնեցնեն։ Սրանից ավելի ի՞նչ տեսնենք, երբ ոչ ֆորմալ հագուստով մարդիկ հարձակվում են լրագրողների վրա, հարձակվում են քաղաքացիների վրա, և մենք դրան համապատասխան արձագանք չենք տեսնում։
Իհարկե, պետությունը պատասխանատու է մարդկանց առողջության և անվտանգության համար։ Այնտեղ տեղի ունեցածի պատասխանատվությունը կրում են ոստիկանության ստորաբաժանումները, որոնք այնտեղ են եղել։ Դա հարցականի տակ դնելն ավելորդ է, և ևս մեկ անգամ կոչ եմ անում բոլորին անհապաղ դադարեցնել այն, ինչ տեսնում ենք և ինչ կադրեր են շրջանառվում։ Սա չլսված բան է:
Եթե մարդիկ փողոցում բախվեն իրար, ապա ամեն ինչ կսկսի հանգուցալուծվել, և այլ բան չկա, քան քաղաքացիական հակամարտությունը, քաղաքացիական պատերազմը, որը մեկ անգամ արդեն ապրել է այս երկիրը։ Այնպես որ, իմ կարծիքով, մենք մեծ վտանգի առաջ ենք կանգնած, և այս ոչ ֆորմալ խմբերին, եթե կան, ապա պետք է դադարեցնել, անպայման պետք է բոլորի պատասխանատվության հարցը դրվի»,- ասել է Լևան Իոսելիանին։
Դեկտեմբերի 7-ին Թբիլիսիի Բեսիկի փողոցում ուղիղ եթերի ժամանակ հարձակման է ենթարկվել «Պիրվելի» հեռուստաընկերության նկարահանող խումբը։ Դիմակավորված անձինք ֆիզիակական բռնություն են գործադրել լրագրող Մակա Չիխլաձեի և օպերատոր Գիորգի Շեծիրուլիի նկատմամբ։ Երկուսն էլ տեղափոխվել են Ինգորողվայի կլինիկա։
Հարձակումը տեղի է ունեցել այն պահին, երբ «TV Պիրվելի»-ի նկարահանող խումբը ուղիղ եթերում լուսաբանում էր դիմակավորված անձանց կողմից քաղաքացիներին ծեծի ենթարկելը։
Ավելի ուշ, հավանաբար նույն խումբը, ներխուժել է «Կոալիցիա հանուն փոփոխությունների» գրասենյակ, որտեղ ծեծի են ենթարկվել Կոբա Խաբազին և առնվազն երկու հոգի:
