Թբիլիսիում՝ Բեսիկի փողոցում, դիմակավորված անձինք ներխուժել են «Կոալիցիա հանուն փոփոխությունների» գրասենյակ և ֆիզիկական բռնության են ենթարկել Կոբա Խաբազիին։ Տեսախցիկի նկարահանած տեսանյութում երևում է, որ Խաբազին աստիճաններից իջնելիս հարձակման է ենթարկվել տասից ավելի անձանց կողմից։ Գետնին ընկած Խաբազին դաժան ծեծի է ենթարկվել, այդ թվում՝ հարվածել են նրա գլխին։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Ես դուրս եկա վերելակից, երբ աստիճաններով իջնում էի, հանկարծ ներս եկան, մի 50 հոգի հայհոյում էին ու սկսեցին ծեծել, գլխիս հարվածեցին, ընկա, ոտքերով խփեցին։ Նրանք ինձ հստակ ճանաչեցին։ Նրանք եկել էին հանձնարարությամբ՝ ծանոթ մեկին գտնելու: Իհարկե, դա միտումնավոր էր։ Ինձ երկու անգամ են ծեծել, երկու անգամ էլ խստագույնս պատժվել է այն իշխանությունը»,- ասել է Կոբա Խաբազին։
Ինչպես ինքն է ասում, հարձակման ժամանակ կորցրել է հեռախոսը։
«Կոալիցիա հանուն փոփոխությունների» գրասենյակի վրա հարձակումը տեղի է ունեցել ժամը 22։00-ի սահմաններում։ Դիմակավորված անձինք գրասենյակում ֆիզիկական բռնության են ենթարկել ևս երկու հոգու։
Մինչ այդ նույն տարածքում դիմակավորված անձինք, որոնք հավանաբար քաղաքացիական համազգեստով հատուկ ջոկատայիններ են եղել, ուղիղ եթերում հարձակվել են «Պիրվելի» հեռուստաընկերության նկարահանող խմբի վրա։
