თბილისში, ბესიკის ქუჩაზე, „კოალიცია ცვლილებისთვის“ ოფისში შევარდნილი ნიღბიანები კობა ხაბაზს ფიზიკურად გაუსწორდნენ. სამეთვალყურეო კამერით გადაღებულ ვიდეოკადრებში ჩანს, რომ კიბეზე ჩამავალ ხაბაზს ათზე მეტი მოძალადე დაესხა თავს. ძირს დაგდებული ხაბაზი სასტიკად ცემეს, მათ შორის თავის არეში.
ახალი ამბები
მკითხველის რჩეული
- 1 მოროდიორი „კადიროველები“ ნიღბიან დამრბევებს შორის თბილისში - რედაქტორის სვეტი
- 2 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 3 პუტინის თქმით, საქართველოს ხელისუფლების სიმამაცით გაკვირვებულია
- 4 ოპოზიციური პარტიები 24 ნოემბერს პარლამენტთან აქციას და ღამისთევას აანონსებენ
- 5 პარლამენტი აღარ არსებობს, რადგან ერთმა პარტიამ თავზე დაიხია კონსტიტუცია - ზურაბიშვილი
- 6 არალეგიტიმური პრემიერი შსს-ს მომიტინგეებზე სასტიკი ძალადობისთვის მადლობას უხდის
„ლიფტიდან გამოვედი, კიბეზე რომ ჩავდიოდი უცებ ამოვარდნენ, 50-მდე ადამიანი იყო გინებით და დაიწყეს ცემა, რაღაც ჩამარტყეს თავში, დავეცი და მირტყამდნენ წიხლებს. აშკარად მიცნეს. დავალებით იყვნენ მოსული, რომ ვინმე ცნობადი სახე ეცემათ. რა თქმა უნდა, ეს იყო მიზანმიმართული. ორჯერ მცემეს და ორჯერვე ძალიან მძიმედ დაამთავრა იმ ხელისუფლებამ“, - განაცხადა კობა ხაბაზმა.
როგორც ის ამბობს, თავდასმხის დროს ტელეფონი დაკარგა.
„კოალიცია ცვლილებისთვის“ ოფისში თავდასხმა დაახლოებით 22:00 საათზე მოხდა. ნიღბიანები ფიზიკურად გაუსწორდნენ ოფისში მყოფ კიდევ სულ მცირე ორ ადამიანს.
მანამდე, იმავე ტერიტორიაზე ნიღბიანები, რომლებიც, სავარაუდოდ, სამოქალაქო ფორმაში ჩაცმული სპეცრაზმელები იყვნენ, პირდაპირ ეთერში ტელეკომპანია „პირველის“ გადამღებ ჯგუფს დაესხნენ თავს.
