Վրաստանի նախագահ Սալոմե Զուրաբիշվիլին խորհրդարանում իր ելույթի ժամանակ խոսել է անվտանգության ոլորտում առկա մարտահրավերների մասին և ուշադրություն հրավիրել Վրաստանում Ռուսաստանի հիբրիդային պատերազմի «նոր հարձակումների» վրա։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Ռուսաստանը չկարողացավ կոտրել Ուկրաինան։ Ավելին, Եվրոպայի միասնությունն ու համերաշխությունը չխաթարվեց և նույնիսկ ամրապնդվեց։ Չնայած ձախողմանը կամ հենց դրա պատճառով Ռուսաստանը նոր հիբրիդային պատերազմի հարձակումներ է ձեռնարկել Վրաստանի դեմ՝ օգտագործելով բոլոր ձևերն ու զենքերը։
Օչամչիրեի նավահանգիստը ռազմաբազայի վերածելու Ռուսաստանի ծրագիրը ծառայում է առճակատումը դեպի Սև ծով, մեր տարածքային ջրեր տեղափոխելու և դրանով իսկ սպառնալիք ստեղծելու Սև ծովի ռազմավարական հեռանկարի համար։
Այս հարձակումները օկուպացված տարածքների վրա նշանակում են՝ մոբիլիզացիայի հայտարարություն, անեքսիայի ուղղությամբ ձեռնարկված քայլեր [Օչամչիրեի նավահանգստի, Բիճվինթայի պետական նստավայրի և Սոխումիի Բաբուշերայի օդանավակայանի գրավում], մարդու իրավունքների անտեսում, մշակույթի և ինքնության ոչնչացում»,- ասել է Զուրաբիշվիլին։
Նախագահի խոսքով՝ օկուպացիոն գծի երկայնքով շարունակվում են բնակչության մշտական ահաբեկումները, հետապնդումները և սպանությունները։
«Երկրում տեղի է ունենում հակարևմտյան և կեղծ նույնահավատության քարոզչություն, ռուսամետ խմբավորումների խրախուսում ու ֆինանսավորում, պետական կառույցների վրա կիբերհարձակումների աճ, ինչը հուշում է, թե ինչ է սպասվում ընտրությունների ժամանակ։
Հիբրիդային պատերազմի կատեգորիան ներառում է զանգվածային ռուսական ներգաղթ, որն ուղղակի ազդեցություն է ունեցել տնտեսության վրա՝ երբեմն լավ, երբեմն վատ, և ընդհանուր առմամբ, մեծացել է կախվածությունը ռուսական փողից և շուկաներից՝ որպես երկրում ռուսական կապիտալի մասնաբաժին:
Նաև հիբրիդային ռազմավարությունը հիմնված է մի շարք տարբեր սադրանքների վրա՝ թռիչքների վերսկսում, «Էֆ Էս Բե»-ի և այլ բարձրաստիճան պաշտոնյաների անարգել մուտքը, Բաթումիի ռուսական զբոսանավը, Սամեբայի տաճարում Ստալինի պատկերակը։ Այս ամենն ուղղված է հասարակության մեջ վեճ ու առճակատում հրահրելուն ու ապակայունացման վտանգ ստեղծելուն»,- ասել է նախագահը։
Ինչպես հայտարարել է Զուրաբիշվիլին, Վրաստանի եվրոպական կողմնորոշումը հայտնվել է որոշակի մարտահրավերի առաջ, և նրա «դարավոր կուրսը սկզբում աննկատ, իսկ հետո ավելի հստակ փոխեց իր շեշտադրումները։ Հակաեվրոպական և հակաարևմտյան արձագանքները մարգինալ քաղաքական շրջանակներից տեղափոխվեցին պաշտոնական հռետորաբանություն: Փոխարենը նկատելիորեն մեղմացան դիրքորոշումները Ռուսաստանի նկատմամբ»։
Դրա հետ մեկտեղ, նախագահի խոսքով՝ հասարակությունը դիմակայեց ռուսական ներգաղթի և քարոզչության սադրանքներին, չտրվեց Ռուսաստանի հիբրիդային գործողություններին և պահպանեց կայունությունն ու անսասան եվրոպամետությունը։
Այսօր՝ փետրվարի 6-ին, Սալոմե Զուրաբիշվիլին խորհրդարանում տարեկան զեկույցով է հանդես գալիս։ Նախագահի պաշտոնում սա նրա վերջին զեկույցն է ։
