Ես այս օրենքը կանվանեի ինքնիշխանության Սահմանադրություն. Կոբախիձեն՝ ռուսական օրենքի մասին

«Սա ինչ-որ սովորական օրենք չէ։ Սա պետք է ընդգծված ասել։ Սա թափանցիկության մասին օրենք է, որն, իհարկե, կարևոր ներդրում կունենա մեր ինքնիշխանության հետագա ամրապնդման գործում։ Ուստի այս օրենքը ես կանվանեի ինքնիշխանության Սահմանադրություն։

Այս օրենքն իրականում Վրաստանի ինքնիշխանության Սահմանադրությունն է։ Ահա թե ինչու որոշ մարդկանց դուր չի գալիս դա: Ոմանք չեն ցանկանում Վրաստանը տեսնել ավելի հզոր, ավելի ինքնիշխան, թեև դա մեր պետության շահն է։ Ուստի մենք մինչև վերջ կպաշտպանենք օրենքը, որը ես կանվանեի ինքնիշխանության Սահմանադրություն»,- ասել է Իրակլի Կոբախիձեն։

Այսպես կոչված գործակալների օրենքը օտարերկրյա տերության շահերն իրականացնող կազմակերպություններ է հայտարարում ոչ կառավարական և լրատվական կազմակերպություններին, որոնց եկամուտի 20%-ից ավելին ստացվում է արտերկրից։ Նման կազմակերպությունները պարտավոր են օգոստոսին դիմել հանրային ռեգիստրի գործակալություն և պահանջել գրանցվել որպես օտարերկրյա տերության շահեր կրող կազմակերպություն։ Սահմանված ժամկետում գրանցումից խուսափելը կամ ֆինանսական հայտարարագիր չներկայացնելը կհանգեցնի տուգանքի՝ 25 000 լարիի չափով: Արդարադատության նախարարության պահանջները չկատարելու համար օրենքը նախատեսում է լրացուցիչ տուգանքներ՝ 10 000 և 20 000 լարիի չափով։

Օրենքի թիրախ հանդիսացող կազմակերպությունները մտադիր չեն ենթարկվել ռուսական օրենքին։ Նրանցից ոմանք պատրաստվում են բողոքարկել օրենքը Վրաստանի Սահմանադրական և Մարդու իրավունքների եվրոպական դատարանում։

Այս թեմայով՝

«Գործակալների օրենքը» անհամատեղելի է ժողովրդավարական չափանիշների և մարդու իրավունքների հետ. ԵԱՀԿ/ԺՀՄԻԳ