«Միասնություն-Ազգային շարժում» կուսակցության առաջնորդներից Գիորգի Վաշաձեն ասել է, որ դիմել է խորհրդարանին՝ պատգամավորի լիազորությունների անհապաղ դադարեցման համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 3 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 4 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 5 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 6 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
Ելույթ ունենալով Ռուսթավելիի պողոտայում շարունակվող բողոքի ակցիայի ժամանակ՝ Վաշաձեն ասել է, որ դիմումն ուղարկել է էլեկտրոնային փոստով, և այն արդեն գրանցվել է օրենսդիր մարմնում։
«Ես անձամբ արդեն դիմում եմ ուղարկել այս ինքնակոչ մարմնին, որն անվանում են խորհրդարան, և անմիջապես պահանջում եմ դադարեցնել իմ մանդատը, անմիջապես պահանջում եմ, որ որոշում կայացնեն չեղյալ համարել իմ բոլոր կապերը իրենց հետ։ Ես կապ չեմ ունենա այս ինքնակոչ խմբի հետ և մինչև վերջ կլինեմ ձեր կողքին հաղթանակ տանելու համար։ Համոզված եմ, որ իմ գործընկերները նույնը կանեն»,- ասել է Վաշաձեն։
Այսօր՝ նոյեմբերի 25-ին, «Վրացական երազանքն» անցկացրել է 11-րդ գումարման խորհրդարանի առաջին նիստը, որտեղ ճանաչվել է բոլոր 150 անդամների լիազորությունները, ընտրվել նախագահն ու նրա տեղակալները, ինչպես նաև հանձնաժողովների նախագահները։ Նիստին ներկա էին միայն «Վրացական երազանքի» անդամները։
Սահմանադրության համաձայն՝ նորընտիր խորհրդարանի առաջին նիստը նշանակում է նախագահը, թեև Սալոմե Զուրաբիշվիլին դա չի արել։ Նա բողոքարկել է խորհրդարանական ընտրությունների արդյունքները և, համապատասխանաբար, Սահմանադրական դատարանում բոլոր 150 անդամների ընտրության օրինականությունը։
Սահմանադրագետները բացատրում են, որ խորհրդարանն իրավունք չուներ ճանաչելու այն անձանց լիազորությունները, որոնց ընտրության օրինականությունը վիճարկվում է Սահմանադրական դատարանում։ Խորհրդարանի այս և մյուս որոշումները համարվում են անօրինական։
«Վրացական երազանքը» խորհրդարանի առաջին նիստն անցկացրել է բողոքի ֆոնին։
ԿԸՀ արձանագրության համաձայն՝ «Վրացական երազանքը» հավաքել է ձայների 53,93 տոկոսը և օրենսդիր մարմնում 150 մանդատից ստացել 89 մանդատ։ «Փոփոխությունների կոալիցիան» ունի ձայների 11,03% և 19 մանդատ, «Միասնություն-Ազգային շարժումը»՝ 10,17% և 16 մանդատ, «Ուժեղ Վրաստանը»՝ 8,81% և 14 մանդատ, իսկ «Գախարիան հանուն Վրաստանի» կուսակցությունը՝ 7,78% և 12 մանդատ։ ԿԸՀ տվյալների հետ համաձայն է միայն «Վրացական երազանքը», իսկ ընդդիմությունը կարծում է, որ ընտրությունները կեղծվել են։
