«Բարեկամ երկիրը կարող է մեզ ասել, բայց եկեք չնեղանանք, չջղայնանանք, չուրախանանք, վերլուծենք՝ ինչ է եղել, ինչու, ինչն է պետք ուղղել։ Եկեք աշխարհին ցույց տանք, որ մենք արժանի ենք այլ գնահատականի»,- այսպես է արձագանքել Վրաստանի նախագահ Սալոմե Զուրաբիշվիլին Ամերիկայի Միացյալ Նահանգների կողմից վրացի դատավորների նկատմամբ պատժամիջոցների կիրառմանը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Զուրաբիշվիլիի խոսքով, վրաց ժողովուրդը քաջ գիտակցում է «արատավոր դատական համակարգի ձևավորման գործում» պատժամիջոցների ենթարկված դատավորների պատասխանատվությունը։
«Ես ուրախ չեմ և չէի կարող ուրախանալ Վրաստանի՝ պատժամիջոցների ենթարկված մարդիկ ունեցող երկրների ցանկում հայտնվելու համար, քանի որ ինձ համար ամենակարևորը երկրի հեղինակությունն է, թեև այս որոշումը վերաբերում է միայն չորս անձի և այս չորս անձի վիզային սահմանափակումներին, ինչպես նշել է դեսպանը, միևնույն ժամանակ հայտարարության մեջ շեշտվում է Վրաստանին աջակցելը, չնայած դրան, երկրի իմիջը որոշակիորեն վնասված է։
Վրաստանը և վրաց ժողովուրդը քաջ գիտակցում են այդ մարդկանց պատասխանատվությունը արատավոր դատական համակարգի ձևավորման հարցում, բոլորս գիտենք և հասկանում ենք, թե ինչ պետք է անել այս դատական համակարգը բարելավելու համար։ Հասարակությունը նույնպես լավ գիտի, թե ինչ չի արվել և ինչու։ Այդ իսկ պատճառով մենք լիովին հասկանում, կիսում և սատարում ենք դատաիրավական բարեփոխումների անհրաժեշտությունը, ինչպես նաև դատական անկախության ամրապնդման և համակարգում պրոֆեսիոնալ և անաչառ կադրերի անհրաժեշտությունը: Դրան են ծառայում նաև Եվրահանձնաժողովի 12 հանձնարարականները»,- հատուկ նշանակված ճեպազրույցում ասել է Սալոմե Զուրաբիշվիլին։
Նախագահի խոսքով, ինքը ցավում է, որ Վրաստանը, այն պահին, երբ սպասում է եվրոպացի գործընկերների կողմից Եվրամիության թեկնածուի կարգավիճակի վերաբերյալ ամենակարևոր որոշմանը, այն երկրների շարքին է դասվում, որոնք պատժամիջոցների ենթարկված անձինք ունեն:
«Ես մտավախություն ունեմ, որ ԱՄՆ-ի որոշումը Եվրոպայում ընկալվի որպես բացասական ազդանշան, ուստի ոչ տոնելու, ոչ ուրախանալու, ոչ էլ արդարացումների ժամանակն է։ Երկրի իմիջը շտկելը մեզ համար ամենակարևորն է:
Եթե չենք ուզում չորս մարդու համար զոհել երկրի ապագան, պետք է գործուն միջոցներ ձեռնարկել՝ լինի դա ամբողջական հետաքննություն, թե Արդարադատության բարձրագույն խորհրդի կազմի վերանայում, կամ ոչ դատավոր անդամների ժամանակին ընտրություն։
Որքան արդյունավետ քայլեր արվեն դատարանի առումով, որին հետևում են բոլոր գործընկերները, այնքան ավելի արագ կվերականգնենք մեր երկրի հեղինակությունը և ավելի մեծ կլինի վստահությունը։ Երկիրը դրան արժանի չէր և արժանի չէ, որ այս հարցը դառնա բևեռացման խորացման պատճառ ոչ ներքին ուժերի, ոչ էլ մեր միջազգային ընկերների հետ հարաբերություններում»,- ասել է Սալոմե Զուրաբիշվիլին։
Ապրիլի 5-ին ԱՄՆ Պետդեպարտամենտը երեք ներկա և մեկ նախկին դատավորների՝ Միխեիլ Չինչալաձեին, Լևան Մուրուսիձեին, Իրակլի Շենգելիային և Վալերիան Ցերցվաձեին, զգալի կոռուպցիոն գործունեության մեջ ներգրավված լինելու պատճառով արգելել է մուտք գործել ԱՄՆ։ Նշված պատժամիջոցը վերաբերում է նաև նրանց ընտանիքի մերձավոր անդամներին։
ԱՄՆ Պետդեպարտամենտի որոշումը անհասկանալի և անընդունելի է վրացական իշխանությունների համար: Արտաքին գործերի նախարար Իլիա Դարչիաշվիլին պետքարտուղար Էնթոնի Բլինքենին ուղղված նամակում պահանջում է ապացույցներ ներկայացնել կամ վերանայել որոշումը։ Դարչիաշվիլիի խոսքով, այլ դեպքերում դատավորների հանդեպ պատժամիջոցներ կիրառելու որոշումը «Վրաստանի պետության և վրաց ժողովրդի կողմից» ընկալվելու է որպես «ճնշում ինքնիշխան պետության անկախ դատարանի վրա և կոպիտ միջամտություն նրա գործունեության մեջ»:
Այս թեմայով՝
Լևան Մուրուսիձեն ԱՄՆ-ի դեսպանատանը մեղադրում է դատական համակարգի յուրացման փորձի մեջ
