ԱՄՆ դեսպան Քելլի Դեգնանը դատավորների նկատմամբ պատժամիջոցներ կիրառելու վերաբերյալ ասել է, որ Վրաստանի իրավապահ մարմիններն իրենք կարող են հետաքննություն սկսել կոռուպցիայի մեջ նրանց մասնակցության մեղադրանքների վերաբերյալ։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
Դեսպանի խոսքով՝չորս դատավորների նկատմամբ Պետդեպարտամենտի կողմից կիրառված վիզային պատժամիջոցները հիմնված են բավարար և հավաստի ապացույցների վրա, որ այդ անձինք չարաշահել են իրենց լիազորությունները դատական համակարգում։
«Սա հիմնված է հանրությանը հասանելի տեղեկատվության վրա, և այս տեղեկությունն ու մեղադրանքները հայտնի են եղել տարիներ շարունակ։ Ամերիկյան օրենքը մեզանից պահանջում է դա անել, երբ մենք ունենք բավարար տեղեկատվություն: Վրաստանն, իհարկե, կարող է ինքը հետաքննություն սկսել ցանկացած տեղեկատվության կամ մեղադրանքի վերաբերյալ։ Մենք արեցինք այն, ինչ պահանջում էր ամերիկյան օրենքը:
Հուսով ենք, որ կառավարության պաշտոնյաները կօգտվեն այս հնարավորությունից՝ ցույց տալու Վրաստանի նվիրվածությունը կոռուպցիայի դեմ պայքարին և քայլեր կձեռնարկեն իսկապես անկախ դատական համակարգ ստեղծելու համար: Ինչո՞ւ դա տեղի չունեցավ մինչ այժմ, երբ տարիներ շարունակ տարածվում էին այս մեղադրանքները»,- «Իմեդի» հեռուստաընկերության եթերում ասել է ԱՄՆ դեսպանը։
Քելլի Դեգնանը պատասխանել է պատժամիջոցների ենթարկված դատավոր Լևան Մուրուսիձեի այն մեղադրանքին, թե ԱՄՆ դեսպանատունը միջամտում է դատարանի անկախությանը։ Դեսպանի խոսքով՝ Վրաստանում դեսպանատունը երբեք ճնշում չի գործադրել դատավորի վրա և տարիներ շարունակ աշխատել է դատական համակարգի բարելավման ուղղությամբ։
Ապրիլի 5-ին ԱՄՆ Պետդեպարտամենտը երեք ներկա և մեկ նախկին դատավորների՝ Միխեիլ Չինչալաձեին, Լևան Մուրուսիձեին, Իրակլի Շենգելիային և Վալերիան Ցերցվաձեին, զգալի կոռուպցիոն գործունեության մեջ ներգրավված լինելու պատճառով արգելել է մուտք գործել ԱՄՆ։ Նշված պատժամիջոցը վերաբերում է նաև նրանց ընտանիքի մերձավոր անդամների վրա։
ԱՄՆ Պետդեպարտամենտի որոշումը անհասկանալի և անընդունելի է վրացական իշխանությունների համար: Արտաքին գործերի նախարար Իլիա Դարչիաշվիլին պետքարտուղար Էնթոնի Բլինքենին ուղղված նամակում պահանջում է ապացույցներ ներկայացնել կամ վերանայել որոշումը։ Դարչիաշվիլիի խոսքով, այլ դեպքերում դատավորների հանդեպ պատժամիջոցներ կիրառելու որոշումը «Վրաստանի պետության և վրաց ժողովրդի կողմից» ընկալվելու է որպես «ճնշում ինքնիշխան պետության անկախ դատարանի վրա և կոպիտ միջամտություն նրա գործունեության մեջ»:
