Եվրահանձնաժողովը գնահատել է Վրաստանի՝ ԵՄ անդամակցության թեկնածուի կարգավիճակ ստանալու նպատակով մեկ տարի առաջ սահմանված 12 հանձնարարականների կատարումը։ Այսօրվա դրությամբ մեդիան միակ ոլորտն է, որտեղ երկիրը ոչ մի առաջընթաց չի գրանցել։ Ընդամենը 3 հանձնարարական է համարվել ամբողջությամբ կատարված: Որոշակի առաջընթաց է արձանագրվել 7 հանձնարարականի ուղղությամբ, իսկ մեկի դեպքում՝ դեօլիգարխիզացիայի վերաբերյալ Վրաստանը սահմանափակ առաջընթաց է ցույց տվել:
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
- 6 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
Բանավոր զեկույցը Ստոկհոլմում ներկայացրել է Եվրոպական հարևանության քաղաքականության և ընդլայնման հարցերով հանձնակատար Օլիվեր Վարհեին։
Ըստ Օլիվեր Վարհեի, 12 հանձնարարականներից երեքն իրականացվել են՝ գենդերային հավասարության և կանանց նկատմամբ բռնության, դատական գործընթացներում Մարդու իրավունքների եվրոպական դատարանի որոշումները հաշվի առնելու և թափանցիկ գործընթացի արդյունքում հանրային պաշտպան նշանակելու ուղղությամբ։
Վրաստանը որոշակի առաջընթաց է գրանցել հետևյալ ոլորտներում.
Քաղաքական բևեռացման խնդրի լուծում. Եվրահանձնակատարն ասել է, որ խորհրդարանի անդամների մեծ մասը դադարեցրել է բոյկոտը, և մի քանի օրենքներ ընդունվել են բազմակուսակցական աջակցությամբ: Ըստ Օլիվեր Վարհեի՝ այս առաջնահերթությունը/հանձնարարականն ամբողջությամբ իրականացնելու համար Վրաստանը պետք է ապահովի արդյունավետ խորհրդարանական վերահսկողություն, դադարեցնի կոշտ հռետորաբանությունը և հարգի նախկին քաղաքական համաձայնագրերը, հատկապես ԵՄ միջնորդությամբ ապրիլի 19-ի համաձայնագիրը։
Ապահովել պետական ինստիտուտների կատարյալ գործունեությունը և ընտրական օրենսդրության դաշտի հետագա կատարելագործումը․ կառավարությունն ընդունեց պետական կառավարման բարեփոխումների ռազմավարությունը և գործողությունների ծրագիրը: Փոփոխություններ են կատարվել Ընտրական օրենսգրքում և «Քաղաքական միավորումների մասին» օրենքում՝ Վենետիկի հանձնաժողովի և ԺՀՄԻԳ-ի առաջարկություններին համապատասխանեցնելու համար: Եվրահանձնաժողովը կարծում է, որ Վրաստանը պետք է բարելավի խորհրդարանական վերահսկողությունը, որպեսզի պատշաճ կերպով հետաքննի ընտրական խախտումների մասին պնդումները, ինչպես դա նշվում է նաև ԺՀՄԻԳ-ի զեկույցներում: Բացի այդ, Եվրահանձնաժողովը Վրաստանին կոչ է անում մերժել ընտրական օրենսդրության փոփոխությունները, որոնք փոխում են Կենտրոնական ընտրական հանձնաժողովի նախագահի նշանակման կարգը։
Դատական համակարգի ներառական բարեփոխում, ներառյալ Արդարադատության բարձրագույն խորհուրդը. Վրաստանը պետք է Վենետիկի հանձնաժողովին երկրորդ կարծիքի համար ներկայացնի դատական օրենսդրության փոփոխությունները, ինչպես նաև իրականացնի դատական համակարգի, հատկապես Արդարադատության բարձրագույն խորհրդի ավելի լայն բարեփոխում, և վերջապես նշանակի Արդարադատության բարձրագույն խորհրդի մնացած ոչ դատավոր անդամներին։
Հակակոռուպցիոն գործակալության հզորացում. ստեղծվել է հակակոռուպցիոն նոր բյուրո։ Այս հանձնարարականն ամբողջությամբ իրականացնելու համար Վրաստանը դեռ պետք է ապահովի հակակոռուպցիոն բյուրոյի անկախ գործունեությունը և օրենքի նախագծի վերաբերյալ խորհուրդներ ստանա Վենետիկի հանձնաժողովի կողմից։ Եվրահանձնաժողովը Վրաստանին հանձնարարում է վերանայել Տնտեսական համագործակցության և զարգացման կազմակերպության (ՏՀԶԿ) հակակոռուպցիոն ցանցից դուրս գալու որոշումը։
Պայքար կազմակերպված հանցավորության դեմ. Վրաստանն ամրապնդել է համագործակցությունը «Եվրոպոլի» և անդամ երկրների հետ։ Այն այժմ պետք է հաշվի առնի Եվրոպայի խորհրդի փողերի լվացման դեմ պայքարի կոմիտեի (MONEYVAL) բոլոր կարևոր առաջարկությունները:
Խոցելի խմբերի իրավունքների պաշտպանություն. Վրաստանը պետք է ապահովի մարդու իրավունքների ռազմավարության գործողությունների պլանի և հավաքների ազատության և ԼԳԲՏՔ համայնքի անդամների պաշտպանությունը:
Քաղաքացիական հասարակության ներգրավվածությունը որոշումների կայացման գործընթացում բոլոր մակարդակներում. Վրաստանը պետք է վերսկսի կառուցողական երկխոսությունը քաղաքացիական հասարակության հետ, կանոնավոր և թափանցիկ խորհրդակցություններ ունենա։
Դեօլիգարխիզացիայի առումով Վրաստանը սահմանափակ առաջընթաց է գրանցել։ Եվրահանձնակատար Վարհեին նշել է հունիսի 12-ին Վենետիկի հանձնաժողովի հրապարակած կարծիքը, որում ասվում է, որ խորհրդարանը չպետք է ընդունի «Դեօլիգարխիզացիայի մասին» օրինագիծը ներկայիս տեսքով։
«Այս առումով ես ողջունում եմ իշխող կուսակցության հայտարարությունը, որ այս օրինագիծը չի ընդունվելու։ Այժմ Վրաստանը պետք է կենտրոնանա և ընդունի այնպիսի օրենք, որը կսահմանի համակարգված մոտեցում Վենետիկի հանձնաժողովի առաջարկություններին համապատասխան, այդ թվում՝ ուժեղացնելով մրցակցային քաղաքականության և քաղաքական կուսակցությունների ֆինանսավորման կանոնները»,- ասել է եվրահանձնակատարը։
Վրաստանը որևէ առաջընթաց չի գրանցել ԶԼՄ-ների բազմակարծության և լրատվամիջոցների սեփականատերերի դեմ քրեական դատավարության վերաբերյալ հանձնարարականի վերաբերյալ: Այս հանձնարարականը կյանքի կոչելու համար Վրաստանին կոչ է արվում փոխել «Հեռարձակման մասին» օրենքը՝ Եվրոպայի խորհրդի իրավական կարծիքին համապատասխան՝ ապահովելու լրագրողների անվտանգությունը և բարձրացնելու լրագրողների և լրատվամիջոցների սեփականատերերի ազատության պաշտպանության մակարդակը։
Հարցին, թե ինչ խորհուրդ կտա վրացական իշխանություններին, Վարհեին ասել է․
«Ընդլայնումը օրակարգային հարցերի եռյակում է։ Այնպես որ, եթե որևէ մեկը ցանկանում է մտնել ԵՄ, ապա սա հենց այդ պահն է, օգտագործեք այն, օգտագործեք այս հնարավորությունը: Ես բախտ ունեցա տեսնելու ձեր վարչապետին անցյալ շաբաթ Բրյուսելում, և սա էր ուղերձը: Դուք գիտեք, թե ինչ է պահանջվում: Այսպիսով, պարզապես արեք դա, քանի որ սա եզակի հնարավորություն է, որից յուրաքանչյուրը պետք է առավելագույն օգուտ քաղի: Մենք այստեղ ենք օգնելու, բայց չափանիշները պետք է պահպանվեն բոլորի կողմից։ Իմ հանձնարարականը կառավարությանը կլինի արագացնել աշխատանքները բոլոր ոլորտներում, որպեսզի հոկտեմբերին ունենանք ամբողջությամբ ավարտված հաշվետվություն»:
