«Այն, որ ԵՄ անդամ երկրներում նմանատիպ օրենքներ չեն գործում, մենք գիտենք, որ դա ճիշտ չէ։ Եվրահանձնաժողովը հրահանգ է մշակել, սա նույնպես պարզ է, և այն կքննարկվի Եվրախորհրդարանում։ Ճիշտ է, դեռ չի հաստատվել, բայց քննարկման փուլում է»,- այսպես է արձագանքել Վրաստանի խորհրդարանի եվրոպական ինտեգրման հանձնաժողովի նախագահ Մակա Բոճորիշվիլին այսպես կոչված «օտարերկրյա գործակալների» մասին օրենքի նախագծի վերաբերյալ Գերմանիայի կանցլերի քննադատական հայտարարությանը։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Բոճորիշվիլիի խոսքով՝ Եվրահանձնաժողովն իզուր հրահանգներ չի պատրաստում։
«Դրա նպատակն է որոշակի շրջանակ ստեղծել ԵՄ տարբեր երկրներում գործող օրենսդրության համար, այդ թվում՝ Գերմանիայում, որն ունի նմանատիպ օրենսդրություն։ Ուստի մեզ համար կարևոր է, որ Վրաստանում ընդունված ցանկացած օրենք համապատասխանի եվրոպական չափանիշներին, թեև թափանցիկությունը չի կարող տարբեր չափանիշներ ունենալ Վրաստանի և ԵՄ երկրների համար։ Թափանցիկությունն ունի մեկ չափանիշ, այն ծառայում է ժողովրդավարության ամրապնդմանը ինչպես ԵՄ երկրներում, այնպես էլ Վրաստանում։ Եվրամիության մակարդակով նման օրենք քննարկվում է, հրահանգ է պատրաստվել։ Սա հանրային տեղեկատվություն է, և յուրաքանչյուրը կարող է ստուգել և տեսնել այն:
Եվրահանձնաժողովն իզուր հրահանգներ չի պատրաստում։ Եվրահանձնաժողովի կողմից հրահանգի մշակումը նշանակում է, որ այս օրենսդրական գործընթացը սկսվել է, և այն կարգախոսների մակարդակով չի դադարեցվի, ինչպես Վրաստանում փորձ եղավ կասեցնել այս օրենսդրական գործընթացը։
Իհարկե, Եվրախորհրդարանը կքննարկի այս օրինագիծը և, ամենայն հավանականությամբ, այն ինչ-որ ձևով կընդունի։ Իհարկե, դժվար է ասել, թե ինչ ձևով, բայց թափանցիկության հետ կապված նվազագույն չափանիշը, բնականաբար, կմնա այս հրահանգում»,- ասել է Մակա Բոճորիշվիլին։
Վրաստանի վարչապետ Իրակլի Կոբախիձեի հետ հանդիպումից հետո Գերմանիայի կանցլեր Օլաֆ Շոլցը հույս է հայտնել, որ Վրաստանի խորհրդարանը չի ընդունի այսպես կոչված «օտարերկրյա գործակալների» մասին օրենքը։ Շոլցի խոսքով՝ Գերմանիան, ինչպես ողջ Եվրամիությունը, «Վրացական երազանքի» այս նախաձեռնությունը դիտարկում է որպես «շատ քննադատական»։ Իշխանամետ «Իմեդի» հեռուստաընկերության լրագրողը կանցլերին հարցրել է, թե ինչու են Վրաստանի եվրոպացի գործընկերները անհանգստացած, «եթե Եվրոպայում և ԱՄՆ-ում գործում են նույն կամ նմանատիպ կանոնակարգերը», որին Օլաֆ Շոլցը պատասխանել է.
«Եվրամիությունը չունի նմանատիպ օրենսդրություն, քննարկվում է տարբեր ոլորտներում թափանցիկություն հաստատելու մասին, բայց սա բոլորովին այլ հայեցակարգ է, դեռ որոշված չէ ու ամենայն հավանականությամբ չի որոշվի»։
Այս հարցի շուրջ երկար խոսել է Վրաստանի վարչապետ Իրակլի Կոբախիձեն, ով պաշտպանել է այսպես կոչված «օտարերկրյա գործակալների» մասին օրենքի նախագիծը, իսկ հասարակական կազմակերպություններին մեղադրել պակաս թափանցիկ լինելու մեջ։ Կոբախիձեի խոսքով՝ «Վրացական երազանքի» դիրքորոշումները շատ ամուր են, և նրանք պատրաստ են քննարկման վրացի, եվրոպացի և ամերիկացի գործընկերների հետ։
Ապրիլի սկզբին «Վրացական երազանքը» կրկին նախաձեռնեց ռուսական օրենքը, որը մերժվել էր 2023 թվականի մարտին՝ լայնածավալ բողոքի ակցիաների և միջազգային ճնշման արդյունքում։ Իշխող կուսակցությունը կփորձի օրինագիծն ընդունել մինչև գարնանային նստաշրջանի ավարտը, թեև դա կարող է վնասել Վրաստանի եվրաինտեգրման գործընթացին։
