Եվրամիության արտաքին հարաբերությունների և անվտանգության քաղաքականության խոսնակ Պիտեր Ստանոն ևս մեկ անգամ վերահաստատել է Եվրամիության անհանգստությունը Վրաստանում այսպես կոչված գործակալների մասին ռուսական օրենքի ուժի մեջ մտնելու պատճառով և հայտարարել, որ քննարկվում է կառավարությանը տրամադրվող օգնությունը դադարեցնելու հարցը։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Իսպանական Europa Press հրատարակությանը Պիտեր Ստանոն ասել է, որ Եվրամիությունը «շատ անհանգստացած է Վրաստանում վերջին ժամանակահատվածում զարգացած իրադարձություններով», և որ ռուսական օրենքի ուժի մեջ մտնելը «նահանջ» է ԵՄ-ին ինտեգրվելու ուղղությամբ երկրի քայլերում։
Ըստ Պիտեր Ստանոյի՝ կարճաժամկետ հեռանկարում Եվրամիությունն արդեն կրճատել է քաղաքական շփումները Վրաստանի իշխանությունների հետ՝ բացառությամբ այն դեպքերի, «որոնք կենտրոնացած են ստեղծված իրավիճակից ելքեր գտնելու համար»։
«Մենք քննարկում ենք կառավարությանը տրամադրվող ֆինանսական օգնությունը դադարեցնելու հնարավորությունը», - նշել է Ստանոն այն բանից հետո, երբ ասել է, որ Եվրամիությունն արդեն սառեցրել է 30 միլիոն եվրոն, որը նախատեսված էր Եվրոպայի խաղաղության մեխանիզմի շրջանակներում ռազմական օգնության համար:
Երկու օր առաջ Միացյալ Նահանգների պետքարտուղար Էնթոնի Բլինքենը հայտարարեց, որ ԱՄՆ-ը կդադարեցնի 95 միլիոն դոլարի օգնությունը Վրաստանի կառավարությանը՝ հակաժողովրդավարական գործողությունների և կեղծիք պարունակող հայտարարությունների պատճառով, որոնք չեն համապատասխանում ԵՄ-ին ու ՆԱՏՕ-ին անդամակցելու նորմերին։
Մայիսի 28-ին, չնայած միջազգային գործընկերների կոչերին և բազմահազարանոց բողոքի ցույցերին, «Վրացական երազանքը» հաղթահարեց նախագահի վետոն և ի վերջո ընդունեց ռուսական օրենքը։ Օրենքը օտարերկրյա ուժի շահերի կրող է ճանաչում բոլոր այն հասարակական և լրատվական կազմակերպությունները, որոնց եկամուտների 20%-ից ավելին ստացվել է միջազգային կազմակերպությունների դրամաշնորհներից։ Հարյուրավոր կազմակերպություններ հայտարարել են, որ չեն ենթարկվելու ռուսական օրենքին։
Ռուսական օրենքը վիճարկվել է Սահմանադրական դատարանում։ Եթե դրա գործողությունը չդադարեցվի, ապա սեպտեմբերի 2-ից կկիրառվեն խոշոր տուգանքներ ՀԿ-ների և լրատվամիջոցների նկատմամբ։