ԵՄ արտաքին գործերի և անվտանգության քաղաքականության գերագույն ներկայացուցիչ, Եվրահանձնաժողովի փոխնախագահ Ջոզեֆ Բորելի խոսքերով, հայտարարությունները, թե Եվրամիությունում ինչ-որ մեկը ցանկանում է Վրաստանին ներքաշել պատերազմի մեջ, ապատեղեկատվություն և քարոզչություն է։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
«Երբ Վրաստանը դուրս մնաց ասոցացված եռյակից, ավելի ճիշտ՝ մենք ավելի քիչ եվրոպական հեռանկար ստացանք, քան Ուկրաինան և Մոլդովան, դրանից հետո Վրաստանում եղան հանրահավաքներ ի աջակցություն արևմուտքի։ Իշխանությունները փորձեցին վարկաբեկել հանրահավաքի մասնակիցներին։ Դրանից հետո եղավ օրինագիծ, որը կոչվում էր ռուսական օրենք, ինչպես նաև մշտական հարձակում մեր արևմտյան գործընկերների վրա՝ նրանց մեղադրելով պատերազմին ներքաշելու փորձի մեջ, ինչպես նաև Ռուսաստանի հետ ուղիղ ավիաչվերթների վերականգնումը, պատժամիջոցների տակ գտնվող անձանց մուտքը Վրաստան և նախագահի իմպիչմենտի հարցը»,- ասել է լրագրողը Ջոզեֆ Բորելին։
«Դուք ասացիք «երկրորդ ճակատ» բացելու մասին։ Սրա պատասխանը պարզ է՝ աղմուկ։ Սա աղմուկ է, քարոզչություն, ապատեղեկատվություն։
Եվրամիությունում ինչ-որ մեկի համար խելագարություն կլինի մտածել, թե ինչ-որ մեկը պատերազմ է ուզում Վրաստանում։ Մի լսեք դրանք։ Շատ եմ ցավում, որ նման կեղծ լուրեր են տարածվում, քանի որ դա խնդիր է ստեղծում։ Այս ամենն արվում է ժողովրդին թունավորելու, ուղերձը արատավորելու և երկրում անվստահություն ստեղծելու համար։
Ռուսական քարոզչությունը շատ բուռն է, և այս ուղղությամբ նրանք իրենց դրսևորեցին ամբողջ աշխարհում։
Այո, Վրաստանի համատեղելիության ցուցանիշն այնքան էլ բարձր չէ, ասոցացման համաձայնագրում այս ուղղությունը արձանագրվել է։ Այս մասին զրուցել ենք վարչապետի հետ, քաղաքավարի կերպով նշել ենք ԱԳՆ-ին։ Այս հարցում ցուցանիշը պետք է բարելավվի։ Մենք ընդունում ենք, որ Վրաստանը լավ է գործում պատժամիջոցներից խուսափելու դեմ պայքարում։ Սա պետք է ընդգծված բացատրել և նշել, բայց արտաքին քաղաքականությունը պետք է համատեղելի լինի մերի հետ, սա բոլոր երկրների պահանջն է»,- ասել է Բորելը Վրաստանի վարչապետ Իրակլի Ղարիբաշվիլիի հետ համատեղ ճեպազրույցում։