Եվրոպայի խորհրդի խորհրդարանական վեհաժողովը (ԵԽԽՎ) կոչ է անում Վրաստանի իշխանություններին կատարել Եվրամիության 12 հանձնարարականները՝ «երկրին ԵՄ անդամակցության թեկնածուի կարգավիճակ տալու համար, որին նա իրավամբ ձգտում է»։ Այս մասին ասվում է բանաձևում, որն ընդունվել է վեհաժողովի կողմից՝ հունվարի 26-ին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Վեհաժողովը ողջունում է Վրաստանի առաջընթացն իր պարտավորությունների կատարման հարցում և կոչ է անում բոլոր քաղաքական ուժերին իրականացնել մնացած հանձնարարականները և արձագանքել այս բանաձևում արտահայտված մտահոգություններին»: Այս առումով՝
Վեհաժողովը շարունակում է մտահոգված լինել երկրում ծայրահեղ քաղաքական բևեռացվածությամբ, որն ազդում է բարեփոխումների և շահագրգիռ կողմերի մասնակցության վրա երկրի հետագա ժողովրդավարական համախմբման և եվրաատլանտյան ինտեգրման համար անհրաժեշտ բարեփոխումներին:
Վեհաժողովը կոչ է անում իշխանություններին իրականացնել դատական համակարգի անկախ գնահատական՝ առաջնորդելու ապագա բարեփոխումները, որպեսզի ապահովված լինի երկրի դատական համակարգի անկախությունը»,- ասվում է փաստաթղթում։
Բանաձևում անդրադարձ կա նաև Վրաստանում ԶԼՄ-ների հետ կապված վերջին զարգացումներին և այս ուղղությամբ արտահայտված մտահոգություններին։ Վեհաժողովը կոչ է անում իշխանություններին ձեռնարկել բոլոր հնարավոր քայլերը՝ լրատվամիջոցների շուրջ լարվածությունը թուլացնելու համար։
Վեհաժողովը ևս մեկ անգամ հայտնում է իր լիակատար աջակցությունը Վրաստանի տարածքային ամբողջականությանը և ինքնիշխանությանը միջազգայնորեն ճանաչված շրջանակներում և դատապարտում է Ռուսաստանի Դաշնության կողմից Վրաստանի շրջանների՝ Աբխազիայի և Հարավային Օսիայի անօրինական օկուպացիան և սողացող բռնակցումը։
2022 թվականի հունիսի 23-ին Եվրամիության 27 անդամ երկրների որոշմամբ Ուկրաինային և Մոլդովային շնորհվել է ԵՄ անդամակցության թեկնածու երկրի կարգավիճակ, իսկ Վրաստանին՝ եվրոպական հեռանկար։ Եվրամիությունը պատրաստ է Վրաստանին տալ թեկնածուի կարգավիճակ, հենց որ նա կատարի Եվրահանձնաժողովի կողմից սահմանված 12 հանձնարարականները։ Նշված առաջարկություններից են ապաօլիգարխացումը, քաղաքական բևեռացման վերացումը, դատաիրավական բարեփոխումների իրականացումը, հակակոռուպցիոն ծառայության ուժեղացումը, լրատվամիջոցների միջավայրի բարելավումը և թափանցիկ ընթացակարգով անկախ հանրային պաշտպանի ընտրությունը։ «Վրաստանի բարեփոխումների ասոցիացիայի» (GRASS) զեկույցի համաձայն՝ 2023 թվականի հունվարի 15-ի դրությամբ հանձնարարականներից վեցը՝ ներառյալ հանրային պաշտպանի ընտրությունը և լրատվամիջոցների միջավայրի բարելավումը, ընդհանրապես չեն իրականացվել: Իրականացվել է միայն մեկ հանձնարարական, երեքը՝ որոշ չափով, իսկ երեքը՝ մեծ մասամբ։
Եվրահանձնաժողովը Վրաստանի կողմից հանձնարարականների կատարման գնահատականը կպատրաստի մինչև 2023 թվականի աշուն։
