Թբիլիսիի քաղաքային դատարանը «գործակալների մասին» ռուսական օրենքի դեմ մարտին տեղի ունեցած բողոքի ցույցերի ժամանակ ձերբակալված Լազարե Գրիգորիադիսի հորը՝ Բեքա Գրիգորիադիսին, օրինախախտ է ճանաչել Facebook-ում ոստիկաններին հայհոյելու համար և տուգանել 800 լարիով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 4 Նախագահի թեկնածու Միխեիլ Կավելաշվիլին բարձրագույն կրթություն չունի
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
Հունիսի 7-ին ներքին գործերի նախարարության զբոսաշրջության անվտանգության տեսուչը Գրիգորիադիսի նկատմամբ արձանագրություն է կազմել Վարչական իրավախախտումների վերաբերյալ օրենսգրքի 166-րդ և 173-րդ հոդվածներով, որոնք վերաբերում են մանր խուլիգանությանը և ծառայողական պարտականությունները կատարելիս ոստիկանի օրինական պահանջին չենթարկվելուն կամ նրան վիրավորելուն։ Արձանագրության համաձայն՝ հունիսի 3-ին Բեքա Գրիգորիադիսը սոցցանցում վիրավորել է ոստիկաններին, մասնավորապես՝ նրանց հասցեին օգտագործել է «հայհոյանք նշանակող վիրավորական բառեր»։
Ինչպես հայտարարել է փաստաբան Նեստան Լոնդարիձեն, Facebook-ում հրապարակված տեսանյութում Բեքա Գրիգորիադիսը խոսել է ոստիկանության մասին և չի նշել կոնկրետ ոստիկանի անուն և ազգանուն, թեև դատարանում որպես վկա հարցաքննված իրավապահն ասել է, որ կատարվածն ընկալել է որպես իրեն հասցված վիրավորանք։
Դատավոր Կոբա Չագունավան Բեքա Գրիգորիադիսին իրավախախտ է ճանաչել միայն մանր խուլիգանության մասով։ Ինչպես պարզաբանել է նա, ոստիկանին վիրավորելու փաստը չի եղել նրա պարտականությունները կատարելու ժամանակ։
Վրացական դատարանները սոցիալական ցանցերում արված հայտարարությունների համար տուգանքի պրակտիկա են սահմանել։ 2023 թվականի մարտին Թբիլիսիի քաղաքային և Քութայիսիի վերաքննիչ դատարանները երկու քաղաքացու ճանաչել են օրինախախտ՝ Tik-Tok-ում և Facebook-ում ոստիկաններին հայհոյելու համար։ Մեկին պարտավորեցրել են 2000 լարի տուգանք վճարել, մյուսին՝ 2500 լարի։
Իրակլի Միլաձեն Tik-Tok սոցիալական ցանցում տեսանյութ է հրապարակել, որտեղ խիստ բողոք է հայտնել Թբիլիսիի տրանսպորտային քաղաքականության դեմ և դիմել Թբիլիսիի քաղաքապետ Կախա Կալաձեին։ Նա քննադատել է մարդկանց, ովքեր երթևեկում են հասարակական տրանսպորտի համար նախատեսված գոտիով, որտեղ տեղաշարժն արգելված է ցանկացած անձի՝ անկախ նրա զբաղեցրած պաշտոնից, և հայհոյել է ոստիկաններին, ովքեր ընտրողաբար տուգանում են քաղաքացիներին, մինչդեռ պետական գերատեսչությունների աշխատակիցներին և մերձավոր անձանց պատասխանատվության չեն ենթարկում։ Թբիլիսիի քաղաքային դատարանը սոցիալական ցանցերը համարել է հանրային հավաքների վայր, որտեղ ցանկացած անձ «պարտավոր է պահպանել հասարակության կողմից ընդունված էթիկայի և բարոյականության նորմերը»։ Դատարանը հայտնել է, որ կոնկրետ ոստիկանը տեսել է Իրակլի Միլաձեի հրապարակած տեսանյութը և այն ընկալել որպես վիրավորանք։
Քութայիսիի վերաքննիչ դատարանը օրինախախտ է ճանաչել այն քաղաքացուն, ով ֆեյսբուքյան իր անձնական էջում գրառում է կատարել և «պատիվն ու արժանապատվությունը նվաստացնող անպարկեշտ խոսքերով վիրավորել ոստիկաններին»։
«Հասարակական շփման, հավաքի համար և ամենահարմարավետ վայրերից մեկը սոցիալական ցանցն է, և որպեսզի հասարակությունը դառնա մանր խուլիգանության փաստի ականատես, ամենևին էլ պետք չէ ֆիզիկապես ականատես լինել այս փաստին, երբ օրենքով նախատեսված օրենքի խախտման բոլոր նշաններն արտահայտվում են սոցցանցում անձի կատարած գործողությամբ»,- պարզաբանել է Վերաքննիչ դատարանը։
Դատարանը համարել է, որ ոստիկանին վիրավորելու ժամանակն ու հանգամանքները նշանակություն չունեն։
Վրաստանի երիտասարդ իրավաբանների ասոցիացիայի գնահատմամբ՝ դատարանի կողմից ընդունված այս որոշումները վտանգավոր նախադեպեր են, որոնք հակասում են խոսքի և արտահայտվելու ազատության գործող չափանիշներին։
