Եվրամիության և ՆԱՏՕ-ի անդամ Սլովակիայի վարչապետ Ռոբերտ Ֆիցոն դեմ է Ուկրաինայի՝ Հյուսիսատլանտյան դաշինքին անդամակցելուն։ Նրա խոսքով՝ Ուկրաինայի անդամակցությունը ՆԱՏՕ-ին հիմք կդառնա Երրորդ համաշխարհային պատերազմի մեկնարկի համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
«Քանի դեռ ես Սլովակիայի Հանրապետության վարչապետն, հոգ կտանեմ այն մասին, որ այն պատգամավորները, որոնց նկատմամբ ես քաղաքական վերահսկողություն ունեմ որպես կուսակցության նախագահ, երբեք չհամաձայնեն Ուկրաինայի անդամակցությանը ՆԱՏՕ-ին»,- ասել է Ֆիցոն։
Բացի այդ, Սլովակիայի վարչապետը համաձայն է, որ Ուկրաինան դառնա Եվրամիության անդամ։
Հոկտեմբերի 3-ին ՆԱՏՕ-ի նոր գլխավոր քարտուղար Մարկ Ռյուտեն Կիևում էր և նախագահ Վլադիմիր Զելենսկու հետ ճեպազրույցում ասել է, որ Ուկրաինան ավելի մոտ է ՆԱՏՕ-ին, քան երբևէ։ Ռյուտեի խոսքով՝ այս մերձեցումը կշարունակվի այնքան ժամանակ, քանի դեռ երկիրը չի դարձել դաշինքի անդամ։
Զելենսկին ընդգծել է, որ Ուկրաինան կենտրոնացած է ՆԱՏՕ-ի հրավերի վրա, և իր կառավարությունն ամեն ինչ կանի հրավերը ստանալու համար։ «Ուկրաինան կարող է դառնալ ՆԱՏՕ-ի 33-րդ անդամը, ուկրաինացիներն արժանի են դրան»,- ասել է Զելենսկին։
Նախկինում Կոմունիստական կուսակցության անդամ Ռոբերտ Ֆիցոն խոսում է Ռուսաստանի հետ հարաբերությունների կարգավորման մասին և կարծում է, որ Արևմուտքը ձգձգում է Ուկրաինայի պատերազմը՝ Ռուսաստանին թուլացնելու համար։
«Ռազմական հակամարտություն է ընթանում Սլովակիայի հարևան երկրում, որտեղ իրականում սպանվում են սլավոնները, և որտեղ Եվրոպան զգալիորեն աջակցում է այդ սպանությանը... Խնդրում եմ, մի տուժեք այս ռուսաֆոբիայից: Եկեք, երբ մենք դրականորեն ենք խոսում Կարմիր բանակի կամ նախկին Խորհրդային Միության մասին, անմիջապես մի ասեք, որ մենք Պուտինի գործակալներն ենք»,- տեղական լրատվամիջոցներին ասել է Ֆիցոն։
Նա նաև ասել է, որ հաջորդ տարի կայցելի Մոսկվա՝ նշելու Երկրորդ համաշխարհային պատերազմի ավարտի 80-ամյակը:
Ռոբերտ Ֆիցոն քննադատել է Ուկրաինա ներխուժելուց հետո Ռուսաստանի դեմ սահմանված պատժամիջոցները և Ուկրաինային ռազմական օգնություն տրամադրելը։ Նրա ներկայիս վարչապետի մանդատը ավարտվում է 2027 թվականին։
ՆԱՏՕ-ում նոր երկրի վերջնական ընդունումը պահանջում է անդամ բոլոր երկրների խորհրդարանների հավանությունը։ Ամենավերջինը դաշինքին միացել են Շվեդիան և Ֆինլանդիան, չնայած այն հանգամանքին, որ Թուրքիան և Հունգարիան ամիսներ շարունակ արգելափակեցին այս որոշումը։
