Օկուպացված Աբխազիայում՝ դե ֆակտո նախագահ Ասլան Բժանիան և «Հանրային պալատի» անդամները քննարկել են Գալիի շրջանի խնդիրները։ Պալատի անդամ Դավիթ Փիլիան ասել է, որ վերջին 20 տարիների ընթացքում Գալիի բնակչությունը նվազել է 40 տոկոսով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Մինչ Խորհրդային Միության փլուզումը պատմական Սամուրզախանոյի տարածքում ապրում էր 92 հազար մարդ։ Այսօր արևելյան Աբխազիայում բնակվում է 55 հազար մուրզախանցի։ Ամենաշատը երիտասարդներն են գնում։ Այս տարի շրջանում դպրոցն ավարտել է 230 հոգի։ Շատ կասկածում եմ, որ որևէ մեկը կմնա այստեղ, քանի որ հարևան երկիրն ունի հատուկ ծրագիր։ Դպրոցականների հետ կապվում են դեռևս սովորելու ընթացքում: Ինչո՞ւ է դա տեղի ունենում։ Որովհետև այսօր ռուսաց լեզուն կրկին պահանջված է Վրաստանի տարածքում, իսկ մեր երեխաները, ինչպես հայտնի է, լավ խոսում են ռուսերեն»,- ասել է Փիլիան։
Նրա խոսքով, վերջին 30 տարում Գալիի շրջանը լքել է 15․5 հազար երիտասարդ, ինչը շատ մեծ թիվ է։
«Գալին կարող է ապագայում կիսել Կոդորիի հովտի ճակատագիրը։ Այնտեղ ոչ ոք չի ապրում։ Ո՞վ է ապրելու այս տարածքում և որտեղ ենք գտնելու այն բնակչությանը, որը կփոխարինի հեռացածներին»,- հարցրել է Դավիթ Փիլիան։
Նա վստահ է, որ երիտասարդները տեղափոխվում են Վրաստանի կենտրոնական իշխանության կողմից վերահսկվող տարածք ոչ թե այն պատճառով, որ դա շատ են ուզում, այլ այն պատճառով, որ վերջին 8 տարիներին Գալիի շրջանում ստեղծված պայմանները մարդկանց շատ վատ դրության մեջ են դնում։
«Երբ երեխան ծնվում է, նա չի կարող ծննդյան վկայական ստանալ, եթե ծնողները չունեն աբխազական անձը հաստատող փաստաթղթեր։
Հիմնականում մարդիկ վրացական անձնագրեր ունեն, ինչի պատճառով ծնողները ստիպված են լինում գնալ Զուգդիդի և հենց այնտեղ ստանալ երեխայի ծննդյան վկայականը։ Ես կարծում եմ, որ մենք պետք է ճանապարհ գտնենք այս խնդիրը լուծելու համար։ Մեզ մոտ ծնված երեխան մեր երեխան է։ Այս պրակտիկան մեզ համար սարսափելի է։ Կարծում եմ, որ Գալիի շրջանի բոլոր դպրոցների շրջանավարտները պետք է ստանան աբխազական անձնագրեր։
Գործող օրենքը մեզ դա թույլ չի տալիս։ Իսկ եթե օրենքը վնասակար է և չի ծառայում մեր պետության շահերին, ապա այն պետք է վերանայվի»,- ասել է Փիլիան։
Նա խոսել է նաև աբխազական ազգանունների վերականգնման անհրաժեշտության մասին և ասել, որ ավելի քան 1700 մարդ է ցանկանում վերականգնել իր պատմական ազգանունը՝ Զուխբա (Զուխբաիայի փոխարեն), Տարբա (Տարբաիայի փոխարեն), Ինալ-Իփա (Ինալիշվիլիի փոխարեն) և այլն։
«Հասարակության մեջ կան այնպիսիք, որոնք չեն կարողանում դա ընկալել։ Մենք պետք է նրանց բացատրենք, որ մենք դա անում ենք ոչ թե այն պատճառով, որ պարզապես ուզում ենք, այլ այն պատճառով, որ արդարություն պետք է լինի: Եթե Ստալինի ու Բերիայի քաղաքականությունը մի քանի օրում մեզ վրացի դարձրեց, ապա հիմա ո՞վ է խանգարում 30 տարվա ընթացքում վերականգնել պատմական արդարությունը։ Իմ կողմից հարցվածներից յուրաքանչյուր 10 հոգուց 9-ը կարծում է, որ այս խնդիրը պետք է լուծվի։ Կան մարդիկ, որոնք ցանկանում են ազգության սյունակում գրել «մեգրել»: Ինչո՞ւ պետք է մենք խանգարենք սրան։ Մագրելները հին մշակույթի տեր մարդիկ են, լազեր են»,- նշել է Փիլիան և այսպես կոչված նախագահին առաջարկել Գալիի շրջանի հարցերով հանձնաժողով ստեղծել։
Ասլան Բժանիան նշել է, որ արտահայտված դիրքորոշումներն իր համար «մոտ ու հասկանալի են»։ Նա Փիլիային առաջարկել է «Հանրային պալատի» կարծիքները ներկայացնել ոչ միայն նախագահին, այլև խորհրդարանին։
«Հետո քայլ առ քայլ գնալու ենք, այս բոլոր խնդիրները հետևողականորեն լուծելու ենք։ Խոսքը վերաբերում է մեր բնակիչներին և մեր քաղաքացիներին, ինչպես նաև Գալիի տարածաշրջանում մեր պետական ինստիտուտները բնակչության հետ աշխատելու միջոցով հզորացնելուն։ Ես անձամբ կաջակցեմ ձեզ»,- ասել է Բժանիան։
