Ազատ ոճային ըմբիշ Գենո Պետրիաշվիլին (125 կգ) ոսկե մեդալ է նվաճել Փարիզում ընթացող 2024 թվականի Օլիմպիական խաղերում։ Նա եզրափակչում 10:9 հաշվով հաղթել է իրանցի մրցակից Ամիր Հոսեյն Զարեին։ Մինչ այդ՝ կիսաեզրափակչում Պետրիաշվիլին մրցել է Ադրբեջանի անունից հանդես եկող Գիորգի Մեշվիլդիշվիլիի հետ և հաղթել 7:0 հաշվով։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Լարված իրավիճակ է Բոլնիսիում, որտեղ ավտովթարից երկու անչափահաս է զոհվել
- 3 ԱՄՆ-ը պատժամիջոցներ կկիրառի և կվտարի հանցագործների (Իվանիշվիլի և ընկերություն) հարազատներին․ Ուիլսոն
- 4 Թող գա Իվանիշվիլին... նոր ընտրությունների օրը պետք է համաձայնեցվի մինչև դեկտեմբերի 29-ը. նախագահի կոչը
- 5 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
- 6 Զատուլինը գովաբանում է «Վրացական երազանքի» կառավարությանը «պրագմատիզմի» համար
Գենո Պետրիաշվիլին Ռիո-2016-ի Օլիմպիական խաղերում բրոնզե մեդալ է նվաճել, իսկ Տոկիո-2020-ում՝ արծաթե մեդալ։ Նա նաև Աշխարհի եռակի և Եվրոպայի կրկնակի չեմպիոն է։
«Չեմ կարող արտահայտել հույզերս։ Մտածում եմ, որ երազի մեջ եմ, չեմ ուզում արթնանալ։ Շնորհակալություն երկրպագուներին, բոլորին մեկ առ մեկ: Երբ հանգստանամ, ավելին կասեմ։ Փառք Աստծուն։ Ես վերադարձա, շատ լավ վերադարձա»,- ասել է Պետրիաշվիլին հաղթանակից հետո։ Օլիմպիական խաղերում նա Վրաստանին բերեց երկրորդ ոսկե մեդալը։
Ներկայում Վրաստանն ունի երեք ոսկե, երկու արծաթե և մեկ բրոնզե մեդալ։ Երրորդ ոսկին նվաճեց ծանրորդ Լաշա Տալախաձեն։
