თავისუფალი სტილით მოჭიდავე გენო პეტრიაშვილმა (125 კგ) პარიზის 2024 წლის ოლიმპიადაზე ოქროს მედალი მოიპოვა. მან ფინალში ირანელი მეტოქე ამირ ჰოსეინ ზარე 10:9 დაამარცხა. მანამდე, ნახევარფინალში, პეტრიაშვილი აზერბაიჯანის სახელით მოასპარეზე გიორგი მეშვილდიშვილს შეხვდა და 7:0 სძლია.
ახალი ამბები
მკითხველის რჩეული
- 1 აქციების დროს თბილისში რუსეთის პოლიციის პროფკავშირების ასოციაციის უფროსი იმყოფებოდა
- 2 უილსონი: თუ ივანიშვილი 29 დეკემბრის გეგმას განახორციელებს, წარმოუდგენელ პასუხს უნდა ელოდეს
- 3 ბალტიის ზღვაში კაბელის დაზიანებაში ეჭვმიტანილი გემის კაპიტანი საქართველოს მოქალაქეა
- 4 რას ამბობს გდდ-ის ყოფილი მაღალჩინოსანი საქართველოდან გამგზავრებამდე მიცემულ ინტერვიუში
- 5 დაძაბულობაა ბოლნისში, სადაც ავტოავარიას ორი არასრულწლოვანი ემსხვერპლა
- 6 მოხელის შეფასება 6 თვეში ერთხელ და ხელფასის 20%-ის დაკავება - რა ცვლილებები მიიღო „ოცნებამ“
გენო პეტრიაშვილს რიოს 2016 წლის ოლიმპიურ თამაშებზე ბრინჯაოს, ხოლო ტოკიოს 2020 წლის ოლიმპიადაზე ვერცხლის მედლები აქვს მოპოვებული. ის მსოფლიოს სამგზის და ევროპის ორგზის ჩემპიონიცაა.
„ემოციებს ვერ გეტყვით. მძინავს ახლა და მგონია, სიზმარში ვარ, არ გამეღვიძოს. მადლობა გულშემატკივრებს, ყველას სათითაოდ. რომ დავწყნარდები, კიდევ გეტყვით. უფალს მადლობა! დავბრუნდი, თან მაგრად დავბრუნდი!“, - განაცხადა პეტრიაშვილმა გამარჯვების შემდეგ. ოლიმპიადაზე მან საქართველოს მეორე ოქროს მედალი მოუტანა.
ამ დროისთვის საქართველოს სამი ოქროს, ორი ვერცხლის და ერთი ბრინჯაოს მედალი აქვს. მესამე ოქრო ძალოსანმა ლაშა ტალახაძემ მოიპოვა.
