ԱՄՆ-ի և Մեծ Բրիտանիայի կողմից պատժամիջոցների ենթարկված Վրաստանի ներքին գործերի նախարար Վախթանգ Գոմելաուրիի տեղակալներից մեկի պաշտոնը կզբաղեցնի Շալվա Թադումաձեն։ Նա 2019 թվականից մինչ օրս եղել է Գերագույն դատարանի փոխնախագահը և ցմահ ընտրված դատավոր։ Վերջերս Լիտվան վիզային պատժամիջոցներ է սահմանել Թադումաձեի նկատմամբ։
Լրահոս
Ընթերցողի ընտրանի
- 1 Այսպես կոչված բաճկոնների գործով Միխեիլ Սաակաշվիլին դատապարտվել է 9 տարվա ազատազրկման
- 2 Մեծ Բրիտանիայում Ուկրաինայի դեսպան Վալերի Զալուժնին ասել է, որ ԱՄՆ-ը «քանդում է» աշխարհակարգը
- 3 Հանրակրթական դպրոցներում առաջին դասարանցիների գրանցումը կսկսվի մարտի 10-ից
- 4 «Բիթքոյնի գործով» Բաչիաշվիլիի նկատմամբ կիրառված գրավը դատարանը փոխարինել է կալանքով
- 5 Թբիլիսիի կենտրոնում հնչած կրակոցների հետևանքով սպանվել է, այսպես կոչված, օրենքով գողի եղբայրը
- 6 Սահմանի հատման գործով Սաակաշվիլիի պատիժները համախմբվել են և նա դատապարտվել է 12 տարի 6 ամիս ազատազրկման
2012-2018 թվականներին Շալվա Թադումաձեն եղել է կառավարության խորհրդարանական քարտուղարը, իսկ 2018 թվականին՝ կառավարության վարչակազմի ղեկավարը։ 2018-2019 թվականներին նա զբաղեցրել է Վրաստանի գլխավոր դատախազի պաշտոնը։
Թեև ՆԳՆ-ի տարածած հաղորդագրության մեջ նշվում է, որ Թադումաձեն 1998 թվականին ավարտել է Թբիլիսիի հումանիտար ինստիտուտը և ստացել իրավաբանի որակավորում, սակայն նրա բարձրագույն կրթության հարցը վիճելի է։ Շալվա Թադումաձեի դիպլոմի իսկությունը չի հաստատվել «Թրանսփարենսի Ինթերնեշնլ-Վրաստանի» ուսումնասիրությամբ։
Վախթանգ Գոմելաուրին ունի հինգ տեղակալ՝ Շալվա Բեդոիձեն, Ալեքսանդր Դարախվելիձեն, Գիորգի Բութխուզին, Իոսեբ Ճելիձեն և Շալվա Թադումաձեն։ Նրանք բոլորն էլ տարբեր երկրների կողմից պատժամիջոցների են ենթարկվել նոյեմբերի 28-ին սկսված բողոքի ցույցերի բռնի ճնշումից հետո: Միացյալ Թագավորությունը, մարդու իրավունքները խախտելու համար, տնտեսական և վիզային պատժամիջոցներ է կիրառել Վախթանգ Գոմելաուրիի և Ալեքսանդր Դարախվելիձեի նկատմամբ։
Գոմելաուրին և նրա չորս տեղակալները՝ Շալվա Բեդոիձեն, Իոսեբ Ճելիձեն, Ալեքսանդր Դարախվելիձեն և Գիորգի Բութխուզին ենթարկվել են Էստոնիայի և Լիտվայի արտաքին գործերի նախարարությունների պատժամիջոցներին։
Ի պատասխան պատժամիջոցների՝ Վրաստանի ոչ լեգիտիմ վարչապետը Վախթանգ Գոմելաուրիին նշանակել է փոխվարչապետի պաշտոնում և հայտարարել, որ ՆԳՆ բարձրաստիճան պաշտոնյաները կարժանանան Պատվո շքանշանի։ Բացի այդ, կառավարությունը նախատեսում է պետական բյուջեից նրանց փոխհատուցել պատժամիջոցների պատճառով առաջացած «ֆինանսական պակասը»։
