Գորիի զինվորական հոսպիտալում մահացել է Աթենի գյուղի բնակիչ, 51-ամյա Ռևազ Միխանաշվիլին, ում, դատախազության տվյալներով, կյանքին սպառնացող լուրջ վնասվածքներ էր հասցրել համագյուղացի, ՆԳ նախարարության հատուկ հանձնարարությունների վարչության տեսուչ Դեմետրե Ռևազաշվիլին։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Ռևազ Միխանաշվիլին ծեծի է ենթարկվել հուլիսի 29-ին։ Հիվանդանոց տեղափոխվելուց հետո նրա վիճակը գնահատվել է ծայրահեղ ծանր։ Նա ուղեղի տրավմատիկ վնասվածք է ունեցել։
Օգոստոսի 2-ին կայացած դատական նիստում Թբիլիսիի քաղաքային դատարանի դատավոր Թամար Մճեդլիշվիլին 31-ամյա Դեմետրե Ռևազաշվիլիի նկատմամբ որպես խափանման միջոց է կիրառել կալանքը։ Ռևազաշվիլին չի ընդունում մեղքը։
Նույն գործով մեղադրվում է մեկ այլ անձ՝ Իոսեբ Բարջաձեն, ով այժմ հետախուզման մեջ է։ Դատախազությունը նրան սկզբում մեղադրել է հանցագործության մասին չհայտնելու մեջ, սակայն ավելի ուշ մեղադրանք է առաջադրվել դիտավորությամբ առողջությանը ծանր վնաս պատճառելու համար։ Հետաքննության արդյունքում ձեռք բերված նոր ապացույցներով պարզվել է, որ Դեմետրե Ռևազաշվիլին և Իոսեբ Բարջաձեն «խմբով, ծանր, կյանքին սպառնացող վնասվածքներ են հասցրել տուժողի գլխին և մարմնին»։ Վերջիններիս մեղավոր ճանաչվելու դեպքում, նրանց սպառնում է 9-ից 13 տարվա ազատազրկում։
