Անձինք, որոնք մինչև 2023 թվականի սեպտեմբերի 1-ը հանցավոր կերպով որպես սեփականություն են գրանցել պետական սեփականություն հանդիսացող գյուղատնտեսական նշանակության հողամասերը՝ կազատվեն պայմանական պատժից և այլ պատիժներից, այդ թվում՝ չվճարված տուգանքներից։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 5 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
- 6 Միջազգային ընտրական վարչությունը պետք է նորովի անցկացնի ընտրությունները. Վաշաձե
Ինչպես կառավարության նիստում է ասել վարչապետ Իրակլի Ղարիբաշվիլին.
համաներումը կվերաբերի միայն այն անձանց, որոնք մինչև 2024 թվականի սեպտեմբերի 1-ը ամբողջությամբ կփոխհատուցեն հանցագործության կատարման հետևանքով պետությանը պատճառված վնասը։ Սա նշանակում է, որ անձը պետք է հողամասը վերադարձնի պետությանը, իսկ եթե դա հնարավոր չէ, վճարի հողամասի համարժեք գումարը։
«Տարիների ընթացքում մեր քաղաքացիներից շատերը ապօրինի գրանցել են պետական սեփականություն հանդիսացող գյուղատնտեսական նշանակության հողերը, և սա իրականում շատ մեծ խնդիր էր։ Դատախազությունում տասնյակ գործեր են ընթանում։ Կատարվում է հետաքննություն, այս կապակցությամբ բազմաթիվ թյուրիմացություններ են եղել։ Մենք խորհրդակցություններ ենք ունեցել դատախազության և խորհրդարանի հետ, և ես նախաձեռնում եմ համաներում հայտարարել նման դեպքերի համար»,- ասել է վարչապետը՝ մանրամասնելով, որ համաներումը կվերաբերի քրեական օրենսգրքի 180 և 362 հոդվածներով կատարված հանցագործություններին։
Համաներումը չի վերաբերի պաշտոնատար անձի, ինչպես նաև պետական ձեռնարկությունների, հանրային իրավունքի իրավաբանական և պաշտոնեական կարգավիճակն օգտագործող ոչ ձեռնարկատիրական իրավաբանական անձանց, ինչպես նաև կազմակերպված խմբի աշխատակիցների կողմից կատարված հանցագործություններին։
«Մենք կազմել ենք այս նախագիծը, կուղարկենք խորհրդարան, և ինչպես ասացի, համաներումը կազատի մեր քաղաքացիներից շատերին։ Արդյունքում առաջացել է մեծ թյուրիմացություն։ Հողամասը վերադարձնողներին կվերաբերի այս որոշումը, եթե չվերադարձնեն հողամասը, համապատասխան գումարը կվճարեն ու այս հարցը կլուծվի»,- ասել է վարչապետը։
Համաներման վերաբերյալ մեկնաբանություն է արել նաև կառավարության աշխատակազմի ղեկավար Ռևազ Ջավելիձեն.
«Համաներումը վերաբերում է նաև հանցակիցներին, որոնք նույն ժամանակահատվածում, այսինքն՝ մինչև 2023 թվականի սեպտեմբերի 1-ը, մասնակցել են հանցագործության նախապատրաստմանը, կամ փորձել են դա անել, եթե, իհարկե, այդ անձինք խոստովանեն համապատասխան հանցագործությունը։
Համաներման մասին օրենքի նախագիծը պարունակում է շատ ավելի մանրամասն տեղեկություններ, ներառյալ, օրինակ, հետաքննության կամ դատաքննության փուլում քրեական հետապնդումը դադարեցնելու և հօգուտ պետության գույքային իրավունքներից հրաժարվելու հարցերը: Հաշվի են առնվում նաև որոշում կայացնողները և մարմինները, ինչպես նաև քննության, դատաքննության կամ քրեական դատավարության փուլում համաներման կիրառման այլ հարցեր:
Այն անձինք, որոնց վերաբերում է համաներումը, կհամարվեն դատվածություն չունեցող, և օրենքը նախատեսում է, որ համաներումը պետք է իրականացվի մինչև 2025 թվականի հունվարի 1-ը»:
