Ներքին գործերի փոխնախարար Ալեքսանդր Դարախվելիձեի խոսքով՝ տասը օրվա ընթացքում ոստիկանությունը բողոքի ցույցերի ժամանակ ձերբակալել է ավելի քան 400 մարդ։
Լրահոս
Ընթերցողի ընտրանի
- 1 Գուդաուրիի հնդկական ռեստորաններից մեկում հայտնաբերվել է 12 մարդու դի
- 2 Կոբախիձեի խոսքով՝ պետական ծառայողները և ուսուցիչները ընթերցանության ընկալման խնդիր ունեն
- 3 Խորհրդարանն այլևս գոյություն չունի, քանի որ մի կուսակցություն տապալեց սահմանադրությունը. Զուրաբիշվիլի
- 4 Եվրախորհրդարանը պահանջում է պատժամիջոցների ենթարկել «Երազանքի» առաջնորդներին և նոր ընտրություններ անցկացնել Վրաստանում
- 5 Նախագահի թեկնածու Միխեիլ Կավելաշվիլին բարձրագույն կրթություն չունի
- 6 Ցույցերի ժամանակ Թբիլիսիում է գտնվել Ռուսաստանի ոստիկանական արհմիությունների ասոցիացիայի ղեկավարը
«Նոյեմբերի 28-ից մինչ օրս անցկացված ցույցերի շրջանակներում բացահայտվել և համապատասխան պատասխանատվության է ենթարկվել ավելի քան 30 անձ։ Նաև ձերբակալվել է 372 անձ և հարուցվել է վարույթ 372 անձի նկատմամբ, որոնցից 62-ն արդեն դատապարտվել է վարչական կալանքի, իսկ 100-ից ավելի անձ տուգանվել է։ Մնացած անձանց նկատմամբ դատական գործընթացները ակտիվորեն շարունակվում են»,- ասել է Դարախվելիձեն ՆԳՆ-ում կայացած ճեպազրույցում։
Նրա խոսքով՝ ավելի քան 150 ոստիկան վիրավորվել է «բռնի խմբերի հարձակումների հետևանքով», որոնց մեծ մասը վիրահատական միջամտության կարիք է ունեցել։
«Ոստիկանների մեծ մասն ունի տարբեր տեսակի այրվածքներ, կոտրվածքներ, գլխի, դեմքի վնասվածքներ։ Անգամ պարզ վերլուծությունը հստակ ցույց է տալիս, որ նշված բռնության դրդող և որոշիչ գործոնը կարող էր լինել անպատժելիության զգացումը, ինչը անհնարին էր դարձնում բռնություն գործադրողների կողմից դեմքերը փակելը և նույնականացնելը։ Սա կարող է կապված լինել նախնական պատրաստության ու վերապատրաստման հետ, որով անցել են հանրահավաքի մասնակիցները»,- ասել է ՆԳ փոխնախարարը։
Ներքին գործերի նախարարությունը ողջունում է ոչ լեգիտիմ վարչապետ Իրակլի Կոբախիձեի հայտարարած օրենքի ընդունումը, որը արգելելու է հանրահավաքի մասնակիցներին փակել իրենց դեմքը։ Ինչպես ասել է Ալեքսանդր Դարախվելիձեն, նման օրենքը «էապես կնպաստի խաղաղ միջավայրում հավաքների և ցույցերի անցկացմանը, կվերացնի հանրահավաքի բռնի խմբերի անպատժելիության զգացումը և թույլ կտա ոստիկանությանը ժամանակին բացահայտել մեղավորներին»։
Վերջին 11 օրերին Թբիլիսիի Ռուսթավելիի պողոտայում քաղաքացիները բողոքում են «Վրացական երազանքի» կողմից Եվրամիությանն անդամակցելու բանակցությունների դադարեցման դեմ։ Ցույցը մի քանի անգամ ցրվել է ջրցան մեքենաների, արցունքաբեր գազի և այլ հատուկ միջոցների կիրառմամբ։ Հատուկ ջոկատայինները և դիմակավորված անձինք բռնության են ենթարկել հարյուրավոր ցուցարարների, ֆիզիկական բռնության են ենթարկել նաև լրատվամիջոցների ներկայացուցիչներին։ Հանրային պաշտպանի գնահատմամբ՝ վնասվածքների գտնվելու վայրը, բնույթը և որակը «վստահելի տպավորություն է ստեղծում», որ ոստիկանությունը ցուցարարներին պատժելու համար կիրառել է բռնի մեթոդներ, ինչը խոշտանգում է։
