Մայիսի 10-ի գիշերը «Պիրվելի» հեռուստաընկերության տեղեկատվական ծառայության ղեկավար Նոդար Մելաձեն հայտնել է, որ հեռուստաընկերության մուտքի մոտ և բակում կասկածելի մեքենաներ են նկատվել դիմակավորված անձանցով։ Նոդար Մելաձեի խոսքով՝ դարանակալված մարդիկ կարող են վտանգ լինել ոչ միայն հեռուստատեսությունում աշխատող մարդկանց, այլև նրանց հյուրերի համար։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Անմիջական սպառնալիքին արձագանքելու համար Մելաձեն կապվել է ՆԳՆ-ի հետ, հինգ անգամ զանգահարել 112, կապվել ՆԳՆ ռազմավարական հաղորդակցության վարչության պետ Քեթի Կովզիաշվիլիի հետ, սակայն ոստիկանությունը դեպքի վայր չի ժամանել։
«Հինգ ժամ սպասելուց հետո ոստիկանները չեկան։ Ներքին գործերի նախարարը չարձագանքեց TV Պիրվելիի շենքի մոտ դիմակավորված անձանց հավաքվելուն։ Հաղորդագրության մեջ նշել էինք, որ հարձակման վտանգ կա, ոստիկանները դա չեն նկատել։ 112-ում մենք մի քանի անգամ ստուգել ենք, այդ թվում՝ ուղիղ եթերում, որտեղ է մեր կանչած անձնակազմը:
Նրանք մեզ ասացին, որ հաղորդագրությունը փոխանցվել է իրավապահ մարմիններին, սակայն ոստիկանությունը չի եկել։ Սա ուղղակի վկայություն է, որ իշխանությունն է կանգնած մարդկանց հետապնդումների, ծեծի ու դարանակալումների հետևում։
Սա ահաբեկչություն է, ռեկետ և ահաբեկում լրագրողների նկատմամբ, որպեսզի վաղը չշարունակենք կատարել մեր մասնագիտական պարտականությունները։ Ներողություն։ Բայց ինչ էլ անեք, հեռուստատեսությունը ուղիղ եթերում կլինի: Այսուհետ դուք պատասխանատվություն եք կրում ցանկացած աշխատակցի կյանքի և առողջության համար»,- ասել է Նոդար Մելաձեն։
Արձագանքելու համար հեռուստաընկերությունը կապ է հաստատել Հատուկ քննչական ծառայության հետ, որի պարտականությունն է հետաքննել լրագրողական գործունեությանը ապօրինի միջամտության փաստերը։ Ավելի ուշ դեպքի վայր են ժամանել ծառայողական քննիչները, ովքեր հարցաքննվել են աշխատակիցների հետ։
Մայիսի 8-9-ին անհայտ անձինք հարձակվել են և ֆիզիակական բռնություն գործադրել ընդդիմադիր «Գիրչի-ավելի շատ ազատություն» կուսակցության անդամ Բորիս Չելե Կուրուայի և «Ախալի» անդամ Նոդար Չաչանիձեի, ակտիվիստ Լաշա Ղվինիանիձեի, միջազգային հարաբերությունների մասնագետ Գիա Ջափարիձեի, «Ազգային շարժման» անդամ Դմիտրի Չիքովանիի, երաժիշտ Ջիո Շենգելիայի նկատմամբ։ Մինչ այդ՝ մայիսի 3-ին, 5-ին և 7-ին Թբիլիսիում հարձակման էին ենթարկվել ռուսական օրենքի դեմ բողոքի ակցիայի մասնակից երիտասարդները, Լանչխութիում՝ ուսուցիչ Լադո Աբխազավան և նրա որդին, Թբիլիսիում՝ «Տեղեկատվության ազատության զարգացման ինստիտուտ» հասարակական կազմակերպության տնօրեն Գիորգի Կլդիաշվիլին և «Ֆորմուլա»-ի նկարահանող խումբը։ Բոլոր հարձակման ենթարկվածները դեմ են ռուսական օրենքին։
2024 թվականի ապրիլի 3-ին «Վրացական երազանքը» կրկին օրակարգ բերեց այսպես կոչված «օտարերկրյա գործակալների» մասին ռուսական օրենքը, որը մեկ տարի առաջ, բազմահազարանոց բողոքի ակցիաների արդյունքում ետ կանչվեց, և եղավ խոստում, որ երբեք չի ընդունվի։ Ռուսական օրենքը պահանջում է անկախ լրատվամիջոցներից և հասարակական կազմակերպություններից, որոնք գործում են միջազգային հիմնադրամների դրամաշնորհային աջակցությամբ և չեն վերահսկվում կառավարության կամ հարակից խմբերի կողմից, գրանցվել որպես օտարերկրյա գործակալներ: Թբիլիսիում ապրիլի 15-ից զանգվածային բողոքի ցույցեր են անցկացվում ընդդեմ ռուսական օրենքի։ Իշխող կուսակցությունը մայիսի 13-ի աշխատանքային շաբաթվա ընթացքում երրորդ և վերջին ընթերցմամբ կփորձի ընդունել ռեպրեսիվ օրենքը։
