Հայ-ադրբեջանական սահմանին, Լաչինի միջանցքի մոտակայքում տեղի ունեցած բախման հետևանքով առնվազն 7 մարդ է զոհվել։ Կողմերը միմյանց մեղադրում են կրակ բացելու մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Ադրբեջանի պաշտպանության նախարարությունը նշում է, որ «հայկական կողմի սադրանքը ճնշելիս» զոհվել է երեք զինծառայող, իսկ Հայաստանի պաշտպանության նախարարությունը հայտնում է չորս զոհի և վեց վիրավորի մասին։
Սահմանին կրակոցները տեղի են ունեցել ապրիլի 11-ի ցերեկը։ Ըստ Հայաստանի իշխանությունների՝ հայ զինվորականները գտնվել են Հայաստանի տարածքում՝ Տեղ գյուղի մոտ, որը գտնվում է Ադրբեջանի Լաչին քաղաքի մերձակայքում՝ մոտ 9 կիլոմետր հեռավորության վրա։ Իր հերթին, Ադրբեջանը հայտարարել է, որ Հայաստանի զինված ուժերը ինտենսիվ կրակահերթեր են իրականացրել Լաչինի մերձակայքում՝ ադրբեջանական դիրքերի ուղղությամբ։
Լարվածությունը պահպանվում է Լաչինի միջանցքի երկայնքով, որտեղով անցնում է Հայաստանը և հայերով բնակեցված Լեռնային Ղարաբաղը կապող միակ ճանապարհը։ Միջանցքը վերահսկվում է ռուս խաղաղապահների կողմից:
Բացի այդ, Լաչինի միջանցքն արդեն չորս ամիս է, ինչ արգելափակված է ադրբեջանցի ակտիվիստների կողմից։ Փետրվարի վերջին ՄԱԿ-ի Արդարադատության միջազգային դատարանը Ադրբեջանի իշխանություններին հանձնարարել է ձեռնարկել բոլոր միջոցները միջանցքի երկայնքով երկու ուղղություններով մարդկանց, տրանսպորտի և բեռների անխափան տեղաշարժն ապահովելու համար։ Հայաստանի իշխանությունները պնդում են, որ շրջափակումը կարող է հանգեցնել հումանիտար աղետի։
