ՆԱՏՕ-ի անդամ երկրները Վիլնյուսի գագաթնաժողովում որոշել են, որ Ուկրաինային դաշինք հրավիրելը հնարավոր կլինի, երբ դաշնակիցները համաձայնության գան և պայմանները կատարվեն։ Կոնկրետ ժամկետներ չեն նշվում: Միաժամանակ ՆԱՏՕ-ի գլխավոր քարտուղար Յենս Ստոլտենբերգը հաստատել է, որ անդամակցության ճանապարհին Ուկրաինային անդամության գործողությունների ծրագիր (MAP) տալու փուլը չեղարկվելու է։
Լրահոս
Ընթերցողի ընտրանի
- 1 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 4 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
- 5 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 6 Ես միակն էի, ով Իվանիշվիլիին ասում էր, որ խելագարություն է անում, հիմա նա ոչ ոք չունի. Գախարիա
«Այսօր դաշնակիցները համաձայնության են եկել երեք տարրերից բաղկացած փաթեթի շուրջ, որը Ուկրաինային կմոտեցնի ՆԱՏՕ-ին»,- ասել է Ստոլտենբերգը։
Առաջին տարրը, նրա խոսքերով, նոր բազմամյա օգնության ծրագիրն է, որը թույլ կտա Ուկրաինային անցնել ՆԱՏՕ-ի չափանիշներին և կօգնի վերականգնել անվտանգության և պաշտպանության հատվածը, ինչպես նաև ծածկել այնպիսի կարևոր կարիքներ, ինչպիսիք են վառելիքը, ականազերծման սարքավորումները և բժշկական պարագաները: Երկրորդ տարրը ներառում է ՆԱՏՕ-Ուկրաինա խորհրդի ստեղծումը, որը Յենս Ստոլտենբերգի խոսքով՝ կլինի ճգնաժամային խորհրդակցությունների և որոշումների կայացման ֆորում, որտեղ Ուկրաինան կդիտվի որպես հավասար անդամ:
«Երրորդ՝ մենք ևս մեկ անգամ հաստատեցինք, որ Ուկրաինան կդառնա ՆԱՏՕ-ի անդամ և համաձայնվեցինք հանել անդամակցության գործողությունների ծրագրի պահանջը։ Սա Ուկրաինայի անդամակցության ուղին երկքայլ գործընթացից վերածում է միաքայլ գործընթացի: Մենք նաև հայտարարել ենք, որ Ուկրաինային ՆԱՏՕ-ին անդամակցելու հրավեր կուղարկենք, երբ դաշնակիցները համաձայնության գան և պայմանները կատարվեն։ Սա ուժեղ փաթեթ է Ուկրաինայի համար և հստակ ուղի դեպի նրա անդամակցությունը ՆԱՏՕ-ին»,- ասել է դաշինքի գլխավոր քարտուղարը։
Լրագրողների այն հարցին, թե ինչ պայմաններ պետք է լինեն, որպեսզի Ուկրաինան ստանա ՆԱՏՕ-ին անդամակցելու հրավեր, Յենս Ստոլտենբերգը նշել է՝ պատերազմի ավարտը, պաշտպանության և անվտանգության ինստիտուտների արդիականացումը՝ ամրապնդելու նրանց կառավարումը, ներառյալ կոռուպցիայի դեմ պայքարը։
Վիլնյուսի գագաթնաժողովի կոմյունիկեն անդրադառնում է նաև Ռուսաստանի հետ հարաբերություններին։
«Մենք ձգտում ենք կայունության և կանխատեսելիության՝ եվրաատլանտյան տարածքում և ՆԱՏՕ-ի և Ռուսաստանի միջև։ ՆԱՏՕ-ն առճակատման չի ձգտում և վտանգ չի ներկայացնում Ռուսաստանի համար։ Մենք չենք կարող Ռուսաստանին համարել մեր գործընկերը նրա թշնամական քաղաքականության և գործողությունների պատճառով։ Մեր հարաբերություններում ցանկացած փոփոխություն կախված է նրանից, որ Ռուսաստանը դադարեցնի իր ագրեսիվ պահվածքը և լիովին համապատասխանի միջազգային իրավունքին»,- ասված է կոմյունիկեում։
Ուկրաինայի նախագահ Վլադիմիր Զելենսկին հայտարարել է, որ գագաթնաժողովի արդյունքները լավն են, բայց իդեալական կլիներ, եթե Ուկրաինան հրավեր ստանար։