Վրաստանի նախագահի աշխատակազմը հայտարարում է, որ Սալոմե Զուրաբիշվիլիի այցը Ստրասբուրգ, որի ընթացքում նա պետք է ելույթ ունենար Եվրոխորհրդարանում, հետաձգվել է Վրաստանի կառավարության կողմից համաձայնության արհեստականորեն ձգձգվող գործընթացի պատճառով։ Կառավարությունը հերքում է մեղադրանքը։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
- 6 Դեդոփլիծղարոյում արհեստական լճում ինքնազգացողությունը վատացած 16-ամյա դեռահասը մնում է կլինիկայում
«Վրաստանի նախագահը որոշել է հետաձգել իր ամենակարևոր այցը Ստրասբուրգ, քանի որ նախագահը կարծում է, որ դա պետք է քայլ լինի դեպի ապաբևեռացում, այլ ոչ թե հակառակը։ Եվրոխորհրդարանին ուղղված ուղերձը և Եվրամիության բարձրագույն ներկայացուցիչների հետ հանդիպելու հնարավորությունը պետք է հնարավորինս օգտագործվի մեր թեկնածուի կարգավիճակի ամրապնդման համար, և այդ պատճառով ելույթի համար հարմար ժամանակը կընտրվի Եվրոխորհրդարանի նախագահի հետ միասին»,- ասված է նախագահի աշխատակազմի տարածած հայտարարության մեջ։
Կառավարության աշխատակազմը պարզաբանում է, որ այն տեղեկությունը, թե կառավարությունն արհեստականորեն ձգձգել է համաձայնություն տալու գործընթացը, ինչն էլ դարձել է այցի հետաձգման պատճառ, կեղծ է և չի համապատասխանում իրականությանը։ Ըստ աշխատակազմի, նախագահը բանավոր համաձայնություն է ստացել Ստրասբուրգ նախատեսվող այցի վերաբերյալ մարտի սկզբին՝ ԱՄՆ կատարած այցի ժամանակ։
«Կառավարության և նախագահի աշխատակազմի միջև ընթանում էր աշխատանքային գործընթացը և տեխնիկական մանրամասների ճշգրտումը։ Նախագահի աշխատակազմից կառավարության աշխատակազմին ուղղված վերջին, պարզաբանված նամակը ստացվել է ապրիլի 12-ին, իսկ հաջորդ օրը՝ ապրիլի 13-ին, գրավոր համաձայնություն է ուղարկվել Ֆրանսիայի Հանրապետություն՝ ապրիլի 17-19-ին Ստրասբուրգ աշխատանքային այցի վերաբերյալ։
Նաև Վրաստանի նախագահին գրավոր համաձայնություն է ուղարկվել Մեծ Բրիտանիա և Հյուսիսային Իռլանդիայի Միացյալ Թագավորություն աշխատանքային այցի վերաբերյալ։ Այստեղ նշում ենք, որ նախագահի՝ մարտի 13-16-ը Ֆրանսիայի Հանրապետություն և Բելգիայի Թագավորություն աշխատանքային այցի դեպքում կառավարության աշխատակազմը մարտի 13-ին հավանություն է տվել մարտի 10-ին նախագահի աշխատակազմից ստացված գրությանը։ Ըստ այդմ, կառավարության աշխատակազմն անմիջապես տվել է իր համաձայնությունը թե՛ նախորդ այցելությունների դեպքում, թե՛ նշված այցի հետ կապված»,- նշում են կառավարությունից։
Սալոմե Զուրաբիշվիլիի ելույթը Եվրոխորհրդարանում նախատեսված էր մարտի 18-ին։ Զուրաբիշվիլին այս տեղեկությունը հայտնել է մարտի 31-ին՝ Վրաստանի խորհրդարանին տարեկան զեկույցը ներկայացնելիս։ Նրա խոսքով՝ ինքը պետք է Ստրասբուրգ մեկներ Եվրոխորհրդարանի նախագահի հրավերով։
Այս թեմայով՝
Նախագահն ասում է, որ նորմալ շփվում է բոլոր նախարարների հետ, բացի վարչապետից