Մամուլի միջազգային ինստիտուտը (IPI) պահանջում է արտահանձնման կալանքից անհապաղ ազատել ադրբեջանցի լրագրող, Azel.tv-ի գլխավոր խմբագիր Աֆղան Սադիգովին։ IPI-ն Վրաստանի կառավարությանը, Վրաստանի ներքին գործերի նախարարությանը կոչ է անում Սադիգովին չհանձնել Ադրբեջանին և թույլ տալ նրան լքել Վրաստանը։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Օգոստոսի 3-ին քրեական ոստիկանության աշխատակիցները Սադիգովին ձերբակալել են փողոցում՝ կնոջ և երեխաների ներկայությամբ, իսկ օգոստոսի 4-ին դատավորը նրան դատապարտել է եռամսյա արտահանձնման կալանքի։ Ներքին գործերի նախարարության տվյալներով՝ Աֆղան Սադիգովը Ադրբեջանում հետախուզվում է սպառնալիքների և շորթման համար։ Նա կմնա անազատության մեջ՝ սպասելով արտահանձնման վերաբերյալ վերջնական որոշման։
«Դատարանում դատախազությունը հիմնվել է այն փաստի վրա, որ անձը խուսափում է քննչական մարմիններին զեկուցելուց։ Սակայն գործի ոչ մի տեղ չկա, որ նա ծանուցում կամ կանչ է ստացել ու չի ներկայացել։ Ադրբեջանում Աֆղան Սադիգովի դեմ այնպես է գործ հարուցվել, որ նա տեղեկություն չի ունեցել այդ մասին։
Արտահանձնման դեպքում մեծ է վտանգը, որ նա կենթարկվի խոշտանգումների կամ անմարդկային վերաբերմունքի, կամ նրա կյանքին ու առողջությանը կարող են լուրջ վտանգ հասցնել»,- ասել է փաստաբան Դիմիտրի Նոզաձեն։ Նրա տեղեկություններով՝ լրագրողը ապաստան է խնդրում Վրաստանում։
Սևինչ Սադիգովան կարծում է, որ իր ամուսինը հետապնդվում է Ադրբեջանի կառավարությանը քննադատելու համար և կալանավորվում է Ադրբեջանի նախագահ Իլհամ Ալիևի հրամանով։
Վրաստանի երիտասարդ իրավաբանների ասոցիացիայի նախագահ Նոնա Քուրդովանիձեի կարծիքով՝ լրագրողին Ադրբեջանին հանձնելը կլինի մարդու իրավունքների շատ լուրջ խախտում, և միակ ճիշտ որոշումը արտահանձնումից հրաժարվելն է։
«Եթե մարդը հետապնդվում է իր երկրում իր հայացքների և գործունեության պատճառով, եթե նա ենթարկվում է դաժան վերաբերմունքի, խոշտանգումների և չի կարող օգտվել իր երկրում արդար դատաքննության իրավունքից, նրա արտահանձնումը, անկախ նրանից, թե ով է նա, չի թույլատրվում։ Վրաստանը միջազգային պայմանագրերով պարտավոր է թույլ չտալ արտահանձնումը նման դեպքում։
Հետևաբար, այս դեպքում ևս մեկ անգամ կերևա՝ Վրաստանը հավատարի՞մ է միջազգային պայմանագրերով ստանձնած պարտավորություններին, թե՞ մերժում է դրանք»,- ասել է Քուրդովանիձեն։
Աֆղան Սադիգովը Վրաստանում է ապրում 2023 թվականի դեկտեմբերի 24-ից։ Մոտ երկու շաբաթ առաջ նա կնոջ և երկու անչափահաս աղջիկների հետ փորձել է մեկնել Թուրքիա, սակայն Թբիլիսիի միջազգային օդանավակայանի վրացի սահմանապահները նրան թույլ չեն տվել հատել սահմանը։ Այն ժամանակ Սադիգովին չեն ձերբակալել, և ասել են, որ նա կարող է միայն Ադրբեջան վերադառնալ։
Ադրբեջանի իշխանությունները Աֆգան Սադիգովին շորթման մեղադրանքով ձերբակալել են 2020 թվականի մայիսին։ Նույն թվականի նոյեմբերին նա դատապարտվել է 7 տարվա ազատազրկման։ Սադիգովը հերքել է մեղադրանքը և ի նշան բողոքի՝ բանտում հացադուլ է հայտարարել։ Տեղի իրավապաշտպանները նրան ճանաչել են որպես քաղբանտարկյալ։ Սադիգովը 2022 թվականի մայիսի վերջին նախագահ Իլհամ Ալիևի կողմից ներում ստացած դատապարտյալներից մեկն է։
