ՌԴ նախագահի մամուլի քարտուղար Դմիտրի Պեսկովն արձագանքել է ՆԱՏՕ-ի գլխավոր քարտուղար Յենս Ստոլտենբերգի այցին Ադրբեջան, Վրաստան և Հայաստան՝ ասելով, որ Կովկասում ՆԱՏՕ-ի ընդլայնման ջանքերը կայունություն չեն ավելացնի տարածաշրջանում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Կովկասում իր ներկայությունն ուժեղացնելու ՆԱՏՕ-ի ընդհանուր ձգտումները մեզ քաջ հայտնի են և, ինչպես ասում են, տեսանելի են անզեն աչքով։ Մենք նաև հասկանում ենք, որ ՆԱՏՕ-ի ջանքերը՝ ինչ-որ կերպ ընդլայնելու իր ազդեցությունն ու ներկայությունը, դժվար թե որևէ բան ավելացնեն Կովկասում իրավիճակի կայունությանն ու կանխատեսելիությանը»,- ասել է Պեսկովը։
Միաժամանակ Պեսկովը նշել է, որ Կովկասի երկրներն ունեն նման շփումներ ունենալու «ինքնիշխան իրավունք»։
Մարտի 19-ին ՆԱՏՕ-ի գլխավոր քարտուղար Յենս Ստոլտենբերգն ավարտել է եռօրյա այցը, որի ընթացքում բանակցություններ է վարել Ադրբեջանի, Վրաստանի և Հայաստանի ղեկավարների հետ։
Ստոլտենբերգը Թբիլիսիում էր փետրվարի 18-ին։ Նա հանդիպել է նախագահ Սալոմե Զուրաբիշվիլիի և վարչապետ Իրակլի Կոբախիձեի հետ։ Կոբախիձեի հետ հանդիպումից հետո գլխավոր քարտուղարը նշել է, որ ՆԱՏՕ-ն կանգնած է Վրաստանի կողքին ավելի ուժեղ ժողովրդավարության և լիարժեք եվրաատլանտյան ինտեգրման ճանապարհին։ Նրա խոսքով՝ Վրաստանի համար կարևոր է շարունակել տեղական բարեփոխումների, ժողովրդավարական արժեքների և օրենքի գերակայության ամրապնդումը, ներառյալ այս տարվա հոկտեմբերին ազատ և արդար խորհրդարանական ընտրություններ անցկացնելու միջոցով։
