რუსეთის პრეზიდენტის პრეს-მდივანი, დმიტრი პესკოვი აზერბაიჯანში, საქართველოსა და სომხეთში ნატოს გენერალური მდივნის, იენს სტოლტენბერგის ვიზიტს გამოეხმაურა და განაცხადა, რომ კავკასიაში ნატოს გაფართოების მცდელობები რეგიონს სტაბილურობას ვერ შემატებს.
ახალი ამბები
მკითხველის რჩეული
- 1 „ოცნების“ საარჩევნო ქოლცენტრები რეგიონებში და ზეწოლა ამომრჩევლებზე
- 2 თეთრიწყაროს მოსამართლემ 30 უბნის შედეგები გააუქმა ხმის ფარულობის დარღვევის გამო
- 3 Edison: ეგზიტპოლსა და ცესკოს შედეგებს შორის 13%-იანი სხვაობა მანიპულირებაზე მიუთითებს
- 4 „გვაქვს 81 ფაქტი და ეს სისტემურობაზე მიუთითებს“ - „ოცნება“ ოპოზიციას ხმების მოპარვაში ადანაშაულებს
- 5 აქციებზე ჟურნალისტებისთვის მუშაობაში უკანონოდ ხელის შეშლის ფაქტებზე გამოძიება დაიწყო
- 6 ბჟანიას ქართველი დეპუტატები აფხაზეთში ფარულად ჩამოჰყავდა - არძინბა
„ნატოს ზოგადი მისწრაფებები კავკასიაში ყოფნა გააძლიეროს ჩვენთვის კარგად არის ცნობილი და, როგორც იტყვიან, შეუიარაღებელი თვალითაც ჩანს. ასევე გვესმის, რომ ნატოს მცდელობები, როგორმე გააფართოოს თავისი გავლენა და ყოფნა, ნაკლებად სავარაუდოა, რომ კავკასიაში სტაბილურობას და სიტუაციის პროგნოზირებადობას რამეს შემატებს“, - განაცხადა პესკოვმა.
ამასთან, პესკოვმა აღნიშნა, რომ კავკასიის ქვეყნებს აქვთ „სუვერენული უფლება“ ჰქონდეთ ასეთი კონტაქტები.
19 მარტს, ნატოს გენერალურმა მდივანმა, იენს სტოლტენბერგმა დაასრულა სამდღიანი ვიზიტი, რომლის ფარგლებშიც აზერბაიჯანის, საქართველოსა და სომხეთის ლიდერებთან მოლაპარაკებები გამართა.
სტოლტენბერგი თბილისში 18 თებერვალს იმყოფებოდა. ის პრეზიდენტ სალომე ზურაბიშვილს და პრემიერ-მინისტრ ირაკლი კობახიძეს შეხვდა. კობახიძესთან შეხვედრის შემდეგ გენმდივანმა აღნიშნა, რომ ნატო საქართველოს გვერდით დგას უფრო ძლიერი დემოკრატიისა და სრული ევროატლანტიკური ინტეგრაციის გზაზე. მისივე თქმით, მნიშვნელოვანია, რომ საქართველომ გააგრძელოს ადგილობრივი რეფორმების, დემოკრატიული ღირებულებებისა და სამართლის უზენაესობის გაძლიერება, მათ შორის, მიმდინარე წლის ოქტომბერში თავისუფალი და სამართლიანი საპარლამენტო არჩევნებით.
