ჩრდილოატლანტიკური ალიანსის გენერალური მდივნის, იენს სტოლტენბერგის განცხადებით, საქართველოს პრემიერ-მინისტრთან შეხვედრაზე NATO-სა და საქართველოს პარტნიორობის შემდგომ განვითარებაზე ისაუბრეს. სტოლტენბერგმა კიდევ ერთხელ გაუსვა ხაზი რეფორმების საჭიროებას, მათ შორის, სამართლის უზენაესობის გაძლიერებას.
ახალი ამბები
მკითხველის რჩეული
- 1 ეს არის ღალატი, ამ კანონით ეს ქვეყანა თქვენ მიგყავთ რუსეთისკენ - ეთერ თურაძე შალვა პაპუაშვილს
- 2 სტიგმატიზება საბედისწერო შეიძლება იყოს ადამიანების სიცოცხლისთვის - ზენონი რუსულ კანონზე
- 3 ქართველი ხალხის მომავალი სასწორზეა - 12 ქვეყნის საგარეო კომიტეტები რუსულ კანონზე
- 4 სომხური მედია საზღვრისპირა სოფელ ჯილიზას საქართველოსთვის გადაცემაზე წერს
- 5 ფიცს ვდებ, თუ კანონს არ გაიწვევენ, დავტოვებ პარტიას და თანამდებობას - „ოცნების“ წევრი თელავიდან
- 6 სასამართლომ ანტიკორუფციულ ბიუროს სანქცირებული მოსამართლეების ქონების შემოწმება აუკრძალა
„ევროკავშირის მიერ მონიჭებული კანდიდატის სტატუსი უმნიშვნელოვანესი შესაძლებლობაა თქვენი სტაბილურობისა და კეთილდღეობის გასაძლიერებლად.
რასაც თქვენ აკეთებთ ევროკავშირში გაწევრიანებისთვის, იგივე დაგჭირდებათ NATO-ს სრულუფლებიანი მოკავშირეობისთვის. მნიშვნელოვანია, რომ საქართველომ გააგრძელოს ადგილობრივი რეფორმების, დემოკრატიული ღირებულებებისა და სამართლის უზენაესობის გაძლიერება, მათ შორის, მიმდინარე წლის ოქტომბერში თავისუფალი და სამართლიანი საპარლამენტო არჩევნებით“, - განაცხადა ბრიფინგზე იენს სტოლტენბერგმა.
როგორც გენმდივანმა აღნიშნა, NATO საქართველოს გვერდით დგას უფრო ძლიერი დემოკრატიისა და სრული ევროატლანტიკური ინტეგრაციის გზაზე. მისი თქმით, ამ გვერდით დგომას ადასტურებს ბუქარესტის გადაწყვეტილებაც, რომლის თანახმადაც საქართველო ალიანსის წევრი გახდება.
NATO-ს გენერალური მდივანი 18 თებერვალს თბილისში იმყოფებოდა. ის პრეზიდენტ სალომე ზურაბიშვილს და პრემიერ-მინისტრ ირაკლი კობახიძეს შეხვდა. სამხრეთ კავკასიაში სამდღიანი ტურის ფარგლებში, იენს სტოლტენბერგი ერევანში გაემგზავრა, სადაც სომხეთის პრეზიდენტს, ვაჰგან ხაჩატურიანს და პრემიერ-მინისტრს, ნიკოლ ფაშინიანს შეხვდება. კვირასა და ორშაბათს სტოლტენბერგი ბაქოში აზერბაიჯანის პრეზიდენტს, ილჰამ ალიევს, ასევე, საგარეო საქმეთა და თავდაცვის მინისტრებს შეხვდა.
