Rusiya prezidentinin mətbuat katibi Dmitri Peskov “NATO”nun baş katibi Yens Stoltenberqin Azərbaycan, Gürcüstan və Ermənistana səfərini şərh edərək bildirib ki, “NATO”nun Qafqazda genişlənməsi səyləri regiona sabitlik gətirməyəcək.
Əsas xəbərlər
Oxucunun seçimi
- 1 “Gürcü Arzusu” “xarici agentlər” haqqında “rus qanunu”nu geri qaytarır
- 2 Bunun rus layihəsi kimi qəbul edilməsinin absurd olduğunu fəal şəkildə izah etmək lazımdır - Peskov rus qanun barədə
- 3 Avropa İttifaqı “Gürcü Arzusu”na Avropa Komissiyasının 1-ci və 9-cu tövsiyələrini xatırladır
- 4 Bu qanun nə Avropa, nə də Amerika qanunudur - Aİ səfiri rus qanunu barədə
- 5 Avropa Şurasının baş katibi: “Xarici təsir haqqında” qanun layihəsinin təkraradan canlanması məndə təşviş doğurur
- 6 Parlamentə təqdim edilən qanun layihəsi Gürcüstanı Avropa yolundan yayındıracaq - ABŞ rus qanunu haqda
““NATO”nun Qafqazda mövcudluğunu gücləndirmək üçün ümumi istəkləri bizə yaxşı məlumdur və necə deyərlər, adi gözlə belə görünür. Biz onu da başa düşürük ki, “NATO”nun hansısa yolla öz təsirini və mövcudluğunu genişləndirmək səyləri Qafqazdakı vəziyyətin sabitliyinə və proqnozlaşdırıla bilənliyinə heç nə əlavə etməyəcək”, - Peskov bildirib.
Eyni zamanda, Peskov qeyd edib ki, Qafqaz ölkələrinin belə təmaslarının olması üçün “suveren hüququ” var.
Martın 19-da “NATO”nun baş katibi Yens Stoltenberq üç günlük səfərini başa vurub, səfər zamanı Azərbaycan, Gürcüstan və Ermənistan liderləri ilə danışıqlar aparıb.
Stoltenberq fevralın 18-də Tbilisidə olub. O, prezident Salome Zurabişvili və baş nazir İrakli Kobaxidze ilə görüşüb. Kobaxidze ilə görüşdən sonra baş katib qeyd edib ki, “NATO” daha güclü demokratiya və tam avroatlantik inteqrasiya yolunda Gürcüstanın yanındadır. Onun sözlərinə görə, Gürcüstan üçün yerli islahatların, demokratik dəyərlərin və qanunun aliliyinin gücləndirilməsini davam etdirməsi vacibdir, o cümlədən bu ilin oktyabrında azad və ədalətli parlament seçkiləri vasitəsilə.
