Վրաստանի վարչապետ Իրակլի Կոբախիձեն և արտգործնախարար Իլիա Դարչիաշվիլին գտնվում էին Իրանի Իսլամական Հանրապետությունում, որտեղ մասնակցել են Իրանի նախագահ Էբրահիմ Ռայիսիի, արտգործնախարար Հոսեյն Ամիր-Աբդոլահիանի և այլ պետական պաշտոնյաների հուղարկավորության արարողությանը։ Հուղարկավորությանը մասնակցել են «Հեզբոլլահ», «Համաս» և «Թալիբան» ահաբեկչական կազմակերպությունների առաջնորդները, ինչպես նաև ՌԴ Դումայի նախագահ Վյաչեսլավ Վոլոդինը, Սիրիայի նախագահ Բաշար ալ-Ասադը և այլք։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Հոգեհանգստի արարողությունը Թավրիզ քաղաքում սկսվել է մայիսի 21-ին, իսկ այսօր՝ մայիսի 22-ին, Թեհրանում, Իրանի գերագույն առաջնորդի գլխավորությամբ, ննջեցյալների համար աղոթք է կատարվել։
Արտասահմանյան լրատվամիջոցների փոխանցմամբ՝ Թեհրանում հուղարկավորության արարողությանը մասնակցել են առնվազն 68 երկրների բարձրաստիճան պաշտոնյաներ։ Նրանց թվում են եղել Տաջիկստանի նախագահը, Լիբանանի, Ալժիրի, Ղազախստանի, Եթովպիայի, Մալիի և Ուզբեկստանի խորհրդարանի նախագահները, Թուրքիայի փոխնախագահն ու արտաքին գործերի նախարարը, Լիբանանի, Եգիպտոսի, Թունիսի, Սաուդյան Արաբիայի, Քուվեյթի, Ուզբեկստանի, Տաջիկստանի, Բելառուսի, Հայաստանի, Ադրբեջանի, Շրի Լանկայի, Աֆղանստանի, Պակիստանի, Վենեսուելայի և Հորդանանի արտաքին գործերի նախարարները, Հայաստանի և Բելառուսի վարչապետները։
Իրան մեկնելուց առաջ Իրակլի Կոբախիձեն գտնվել է Իրանի դեսպանատանը, որտեղ հանդիպել է դեսպան Մահմուդ Ադիբին։ Նա գրառում է թողել ցավակցական գրքում և իր կարեկցանքը հայտնել Իրանի ժողովրդին։
Մինչ Կոբախիձեի այսօրվա այցը, Վրաստանի բարձրագույն պաշտոնյան Իրանում վերջին անգամ եղել է 2017 թվականին (վարչապետ Գիորգի Կվիրիկաշվիլի), դրանից առաջ՝ նախագահ Միխեիլ Սաակաշվիլին Իրան էր այցելել 2004 թվականին։
Իրանի նախագահ Էբրահիմ Ռայիսին, արտաքին գործերի նախարար Հոսեյն Ամիր-Աբդոլահիանին և մի քանի այլ պետական պաշտոնյաների տեղափոխող ուղղաթիռը կործանվել է մայիսի 19-ին Իրանի հյուսիս-արևմուտքում՝ Ադրբեջանի հետ սահմանի մոտ գտնվող լեռնային շրջանում: Ուղղաթիռում գտնվող բոլոր մարդիկ զոհվել են։ Իրանի կառավարությունը որպես աղետի պատճառ նշել է վատ եղանակը։