Պետական անվտանգության ծառայությունը «Իսլամական պետություն» ահաբեկչական կազմակերպությանն աջակցելու մեղադրանքով ձերբակալել է Վրաստանի 6 քաղաքացու: Ըստ ՊԱԾ-ի հակաահաբեկչական կենտրոնի տնօրենի ժամանակավոր պաշտոնակատար Բաչա Մգելաձեի՝ ձերբակալվածները կապեր են ունեցել «Իսլամական պետության» ազդեցիկ առաջնորդներից մեկի հետ և նրա ղեկավարությամբ ծրագրում էին տարբեր տեսակի ահաբեկչական գործողություններ մի քանի երկրներում։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Մառնեուլիի սակրեբուլոյի փոխնախագահը մի քանի քվեաթերթիկ է լցրել արկղի մեջ, ընտրատեղամասը փակվել է
- 3 ԿԸՀ-ի նախնական արդյունքներով՝ ընտրություններում 53%-ով առաջատարը «Վրացական երազանքն» է
- 4 «Ֆորմուլայի» և «Մթավարիի» էքզիթ փոլերով ընտրություններում հաղթում է ընդդիմությունը, ըստ «Իմեդիի»՝ «Երազանքը»
- 5 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 6 Ժամը 17:00-ի դրությամբ ընտրողների մասնակցությունը 50,06 տոկոս է
Հակաահաբեկչական գործողությունն անցկացվել է միաժամանակ չորս վայրում։ Մգելաձեի խոսքով՝ քննչական գործողությունների արդյունքում հայտնաբերվել են ահաբեկչական կազմակերպության խորհրդանիշներ, էլեկտրոնային տեղեկատվություն կրող սարքավորումներ, զինամթերք, պայթուցիկ նյութեր և հետաքննության համար կարևոր տարբեր ապացույցներ։
«Նշված հետաքննության շրջանակներում հակաահաբեկչական կենտրոնը ձեռք բերված ապացույցների հիման վրա հայտնաբերել է որոշակի ահաբեկչական գործողություններ օտարերկրյա տարբեր երկրների տարածքում և, հաշվի առնելով վտանգների աճը, տեղեկատվությունն օպերատիվ կերպով փոխանցվել է գործընկեր երկրներին։ Նույն գործի շրջանակներում քրեական հետապնդում է հարուցվել օտարերկրյա երկրի մեկ քաղաքացու նկատմամբ, որը դատարանի որոշմամբ գտնվում է ՆԳՆ միգրացիոն վարչության ժամանակավոր տեղակայման կենտրոնում»,- ասել է Մգելաձեն։
Հակաահաբեկչական կենտրոնը գործը քննում է քրեական օրենսգրքի 328-րդ և 236-րդ հոդվածներով, որոնք ներառում են օտարերկրյա ահաբեկչական կազմակերպությանն անդամակցելը, ահաբեկչական գործունեությանն օժանդակելը, հրազենի, ռազմամթերքի և պայթուցիկ նյութերի ապօրինի ձեռքբերումն ու պահումը։
Մայիսի սկզբին թուրքական մի քանի լրատվամիջոցներ գրել էին, որ «Իսլամական պետությունը» Թուրքիայում նոր կառույց է ստեղծել, որն ակտիվ է նաև Վրաստանում և Ադրբեջանում։ «Անադոլու» պետական լրատվական գործակալության փոխանցմամբ՝ Թուրքիայում քարոզչական գործունեության արդյունքում ստեղծված «Ջիհադ խմբավորման» անդամները ռազմական պատրաստություն են անցել Վրաստանում, որից հետո ուղարկվել են հակամարտության գոտիներ, աշխատել են Սիրիայում և Վրաստանում։ Թուրքիայի ոստիկանության և Ազգային հետախուզական կազմակերպության կողմից միաժամանակ 23 նահանգներում իրականացված հակաահաբեկչական գործողության արդյունքում ձերբակալվել է 74 կասկածյալ։ Վրաստանի Պետական անվտանգության ծառայությունը հերքել է, որ ահաբեկչական կազմակերպության կողմնակիցները Վրաստանում վարժանքներ են անցել։
