სახელმწიფო უსაფრთხოების სამსახურმა ტერორისტული ორგანიზაცია „ისლამური სახელმწიფოს“ მხარდაჭერის ბრალდებით საქართველოს 6 მოქალაქე დააკავა. სუს-ის კონტრტერორისტული ცენტრის დირექტორის მოვალეობის შემსრულებელის, ბაჩა მგელაძის განცხადებით, დაკავებულებს კავშირი ჰქონდათ „ისლამური სახელმწიფოს“ ერთ-ერთ გავლენიან ლიდერთან და მისი მეთაურობით გეგმავდნენ სხვადასხვა სახის ტერორისტულ აქტივობას რამდენიმე ქვეყანაში.
ახალი ამბები
მკითხველის რჩეული
- 1 „გამოვძებნით ძალას, რათა ბოდიში მოვიხადოთ“ - ივანიშვილი 2008 წლის ომზე
- 2 ვის მოვუხადოთ ბოდიში შინდისის გმირების ოჯახებმა? - გამოხმაურება ივანიშვილის განცხადებაზე
- 3 კობახიძემ დააკონკრეტა რომელი ოპოზიციური პარტიების აკრძალვას გეგმავს „ქართული ოცნება“
- 4 „ძლიერი საქართველოს“ საგარეჯოს ორგანიზაციის წევრს სასამართლომ გირაო შეუფარდა
- 5 რასაც ახლა საქართველოს ხელისუფლება აკეთებს, ეროვნული იდენტობის გაცნობიერებაა - ლავროვი
- 6 2025 წლიდან გიორგი მამარდაშვილი „ლივერპულის“ მეკარე გახდება
კონტრტერორისტული ოპერაცია ერთდროულად ოთხ ადგილზე ჩატარდა. მგელაძის განცხადებით, საგამოძიებო მოქმედებების შედეგად ამოღებულია ტერორისტული ორგანიზაციის სიმბოლიკა, ელექტრონული ინფორმაციის მატარებელი მოწყობილობები, საბრძოლო მასალა, ფეთქებადი ნივთიერებები და გამოძიებისათვის მნიშვნელოვანი სხვადასხვა მტკიცებულება.
„აღნიშნული გამოძიების ფარგლებში, კონტრტერორისტულმა ცენტრმა, მოპოვებული მტკიცებულებების საფუძველზე გამოავლინა გარკვეული ტერორისტული აქტივობები სხვადასხვა უცხო ქვეყნის ტერიტორიაზე და მომეტებული საფრთხის გათვალისწინებით ინფორმაცია ოპერატიულად იქნა გაზიარებული პარტნიორ ქვეყნებთან. ამავე საქმის ფარგლებში სისხლის სამართლებრივი დევნა დაიწყო უცხო ქვეყნის ერთი მოქალაქის მიმართ, რომელიც სასამართლოს ბრძანებით მოთავსებულია შინაგან საქმეთა სამინისტროს მიგრაციის დეპარტამენტის დროებითი განთავსების ცენტრში“, - განაცხადა მგელაძემ.
კონტრტერორისტული ცენტრი საქმეს სისხლის სამართლის კოდექსის 328-ე და 236-ე მუხლებით იძიებს, რაც უცხო ქვეყნის ტერორისტულ ორგანიზაციაში გაერთიანებას, ტერორისტულ საქმიანობაში დახმარებას, ცეცხლსასროლი იარაღის, საბრძოლო მასალის და ფეთქებადი ნივთიერების მართლსაწინააღმდეგო შეძენა-შენახვას გულისხმობს.
მაისის დასაწყისში რამდენიმე თურქულმა მედიასაშუალებამ დაწერა, რომ „ისლამურმა სახელმწიფომ“ თურქეთში შექმნა ახალი სტრუქტურა, რომელიც საქართველოსა და აზერბაიჯანშიც აქტიურია. სახელმწიფო ახალი ამბების სააგენტო Anadolu-ს ინფორმაციით, თურქეთში, პროპაგანდისტული საქმიანობის შედეგად ჩამოყალიბებული „ჯიჰადის ჯგუფის“ წევრებმა სამხედრო მომზადება საქართველოში გაიარეს, რის შემდეგაც კონფლიქტის ზონებში იგზავნებოდნენ, მუშაობდნენ სირიასა და საქართველოში. თურქეთის პოლიციისა და ეროვნული დაზვერვის ორგანიზაციის მიერ 23 პროვინციაში ერთდროულად ჩატარებული ანტიტერორისტული ოპერაციის შედეგად, 74 ეჭვმიტანილი დააკავეს. საქართველოს სახელმწიფო უსაფრთხოების სამსახურმა უარყო, რომ ტერორისტული ორგანიზაციის მხარდამჭერები წვრთნებს საქართველოში გადიოდნენ.
