«Իշխանությունը փորձում է լռեցնել ինձ, որպեսզի ես չխոսեմ Շովիի ողբերգության ու այլ սպառնալիքների մասին։ Այդպես եղել է 2021 թվականին՝ Նամոխվանի ՀԷԿ-երի կասկադի կառուցման ժամանակ։ Այդ ժամանակ էլ իմ դեմ արշավ սկսեցին։ Ակնհայտ է, որ այս ամենը կապված է Շովիի, Ճիաթուրայի և ընդհանրապես շինարարության թեմաների վերաբերյալ իմ արած հայտարարությունների և դիրքորոշման հետ։ Ինձ անձնական կյանքով շանտաժ անելը չի ստացվի։ Չեմ լռի։ Մի փորձեք շանտաժի ենթարկել ինձ և ուշադրություն հրավիրել ինձ վրա։ Պատասխանեք ժողովրդին»,- այսպես է արձագանքել Իլիայի պետական համալսարանի Սեյսմիկ մոնիտորինգի ազգային կենտրոնի ղեկավար, գիտնական Թեա Գոդոլաձեն իշխանամետ «Ռուսթավի 2» հեռուստաընկերության տարածած այն տեղեկությանը, թե նրան մեղադրում են ընտանեկան բռնության մեջ։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Նախագահը չի ճանաչում ընտրությունների արդյունքները. հոկտեմբերի 28-ին Ռուսթավելիում հավաք է նախատեսվում
- 3 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 4 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
«Այս հարցը վերաբերում է իմ անձնական կյանքին և շատ ծանր է ինձ համար։ 2022 թվականի ապրիլի 7-ի գիշերը նախկին զուգընկերոջս կողմից ենթարկվել եմ ֆիզիկական և հոգեբանական բռնության, ինչի պատճառով ես բուժման կուրս եմ անցնում 2022 թվականի ապրիլից։ Այս փուլում գործը գտնվում է դատարանում։ «Ռուսթավի 2»-ի տարածած տեղեկատվությունը վերաբերում է 2 տարի առաջ տեղի ունեցած միջադեպի վրա հիմնված շինծու մեղադրանքին։ Իմ նախկին զուգընկեր Թեյմուրազ Շերգելաշվիլին, ով ներկայումս մեղադրվում է իմ նկատմամբ ֆիզիկական և հոգեբանական բռնության մեջ, գենդերային խտրականության հիմքով, կեղծ մեղադրանքներ է հորինել առանց ապացույցների՝ սադրանք ստեղծելու համար», - ասել է Գոդոլաձեն։
«Սափարի» կազմակերպությունը մեկ տարուց ավելի է, ինչ պաշտպանում է Թեա Գոդոլաձեի շահերը։ Ըստ «Սափարիի»՝ Գոդոլաձեն դարձել է զուգընկերոջ կողմից ֆիզիկական բռնության զոհ և տուժողի կարգավիճակ ունի։ Մեղադրյալի նկատմամբ կիրառվել է գրավ՝ 15 000 լարիի չափով։ Դատարանը շուտով կավարտի այս գործի քննությունը։
«Վրեժխնդիր լինելու և ճնշում գործադրելու նպատակով տղամարդն ինքն է մեղադրել տուժող կնոջը բռնության մեջ, սակայն Թեա Գոդոլաձեի նկատմամբ կիրառված խափանման միջոցը դատարանը վերացրել է։ Չնայած դրան, դատախազությունը նրան մեղադրանք է առաջադրել՝ բոլորովին անհիմն։ Նշենք, որ հանցագործների կողմից կին զոհին մեղադրելը, ցավոք, հաստատված պրակտիկա է։
Այս դեպքի հանրայնացումը փորձ է հանրության ուշադրությունը Թեա Գոդոլաձեի մասնագիտական գործունեությունից դեպի անձնական կյանք շեղելու։
Սև արշավի նպատակն է լռեցնել մասնագետին, ով միշտ բացահայտ և ակտիվորեն արտահայտում է իր քննադատական կարծիքը բնապահպանության և զարգացման խնդիրների վերաբերյալ։
Նա նախկինում բազմիցս է դարձել բանավոր հարձակումների առարկա, այդ թվում՝ պետական պաշտոնյաների կողմից»,- ասվում է «Սափարիի» տարածած հայտարարության մեջ։
Թեա Գոդոլաձեն, անդրադառնալով օգոստոսի 3-ին Շովիում տեղի ունեցած տարերային աղետին, առաջին օրերին ասել էր, որ հնարավոր է եղել խուսափել զոհերից, ինչի հետ իշխանությունը համաձայն չէ։ Ուստի նա անմիջապես դարձավ խորհրդարանի նախագահ Շալվա Պապուաշվիլիի և իշխանության այլ ներկայացուցիչների կողմից հարձակման հասցեատերը։
Նշենք, որ 2023 թվականի հունիսին «Ռուսթավի 2»-ը տեղեկություն էր տարածել Իլիայի պետական համալսարանի ռեկտոր Նինո Դոբորջգինիձեի դատապարտման մասին։ Գործը վերաբերում է 2010 թվականին տեղի ունեցած ավտովթարին, որի ժամանակ զոհվել է Նինո Դոբորջգինիձեի ընտանիքի անդամը։ Այնուհետև Նինո Դոբորջգինիձեն ասել է, որ դա իրեն հոգեբանորեն ոչնչացնելու փորձ է և հարձակում համալսարանի վրա։
