Ռուսական օրենքի վերաբերյալ Վենետիկի հանձնաժողովի բացասական եզրակացությունից և այն ետ կանչելու խիստ հանձնարարականից հետո, Թբիլիսիի քաղաքապետ Կախա Կալաձեն խոսել է Արևմուտքի «թշնամության» մասին։ Նրա խոսքով՝ դա հաստատվում է «կոնկրետ փաստերով»։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 3 ԱՄՆ-ը Իվանիշվիլիի դեմ պատժամիջոցների փաթեթ է մշակել․ «Ամերիկայի Ձայն»
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 6 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
«Թշնամություն է, երբ Արևմուտքը ֆինանսավորում է հեղափոխական սցենար։
Թշնամություն է, երբ Արևմուտքը ֆինանսավորում է տարբեր կազմակերպությունների, որոնք անմիջականորեն մասնակցում են բևեռացմանը:
Մեզ պետք են գործընկերներ, ընկերներ։ Որ ինչ-որ մեկը մեզ վերևից նայի, մեզ ստիպի անել մի բան, որը հակասում է երկրի շահերին, նման վերաբերմունքն անընդունելի է։ Եթե ինչ-որ մեկը ցանկանում է բացել երկրորդ ճակատ, ապա թող Բալթյան երկրները բացեն ճակատը։ Թող հանգիստ թողնեն Վրաստանին»,- ասել է Կալձեն Թբիլիսիի կառավարության նիստում։
«Վրացական երազանքի» գլխավոր քարտուղարը կոչ է արել եվրոպացի գործընկերներին, որ նրանք առաջինն են, ովքեր վարկաբեկում Եվրոպային։
«Մի քանի օր առաջ երկրներից մեկի արտաքին գործերի նախարարը մասնակցել է հակակառավարական ցույցին։ Սա նորմա՞լ է։ Արդյո՞ք այսքան է մեր ինքնասիրությունը։ Եթե նորմալ, զարգացած երկրում դա անեին, ի՞նչ կլիներ այդ արտգործնախարարի հետ։ Պատերազմեք ձեր երկրում և կազմակերպեք երկրորդ ճակատ ձեր երկրում։ Հանգիստ թողեք Վրաստանին։ Մենք այսօր պետք է խաղաղություն պահպանենք։ Այն վերաբերմունքը, որ մեր երկիրն օգտագործվում է ինչ-որ մեկի շահերի համար, և իրավիճակն այստեղ նույնը լինի, ինչ Ուկրաինայում, չի աշխատի»,- ասել է Կախա Կալաձեն։
Վենետիկի հանձնաժողովը հրատապ եզրակացություն է պատրաստել ռուսական օրենքի վերաբերյալ և այն հրապարակել մայիսի 21-ին։ 24 էջանոց փաստաթուղթը եզրափակվում է Վրաստանի իշխանություններին ուղղված կատեգորիկ խորհուրդով՝ չեղյալ համարել օրենքը ներկայիս տեսքով, քանի որ դրա հիմնարար թերությունները կհանգեցնեն զգալի բացասական հետևանքների՝ միավորվելու իրավունքի և ազատ արտահայտվելու, անձնական կյանքի գաղտնիության, հասարակական գործունեությանը մասնակցության իրավունքի և խտրականության արգելման առումով: «Վրացական երազանքը» չի պատրաստվում հաշվի առնել Վենետիկի հանձնաժողովի առաջարկությունը։ «Վրացական երազանքը» կարծում է, որ Վենետիկի հանձնաժողովի եզրակացությունը «գրել են տվել» է, և այդ «հարթակն օգտագործվել է ոչ թե մասնագիտական հիմնավորումների, այլ կողմնակալ քաղաքական գնահատականներ տալու համար»։
Վրաստանի խորհրդարանն այսպես կոչված «օտարերկրյա գործակալների» մասին ռուսական օրենքը երրորդ՝ վերջնական ընթերցմամբ ընդունել է մայիսի 14-ի լիագումար նիստում։ Օրինագծին կողմ է քվեարկել 84 պատգամավոր, դեմ՝ 30։ «Վրացական երազանքը» ծրագրում է հաջորդ շաբաթ հաղթահարել նախագահի վետոն։
