ԿԸՀ-ն կբողոքարկի ընտրատեղամասերի արդյունքները անվավեր ճանաչելու վերաբերյալ Թեթրիծղարոյի դատարանի որոշումը

Դատավոր Վլադիմիր Խուճուան, քվեների գաղտնիությունը խախտելու պատճառով, չեղարկել է թիվ 25 Ծալկայի ընտրատարածքում ընդգրկված 17 տեղամասերի և թիվ 26 Թեթրիծղարոյի ընտրատարածքում ընդգրկված 13 ընտրատեղամասերի արդյունքները։

«Ընտրական վարչությունը անհիմն է համարում և չի կիսում Ծալկայի և Թեթրիծղարոյի մունիցիպալիտետներում վերոնշյալ ընտրական տեղամասերի արդյունքները չեղարկելու վերաբերյալ Թեթրիծկարոյի շրջանային դատարանի որոշումը։ Բացի այդ, նշված որոշումը ակնհայտորեն հակասում է առաջին ատյանի դատարաններում նույն հարցով բոլոր մյուս վեճերին։ Ըստ այդմ՝ նոյեմբերի 4-ին Թեթրիծղարոյի շրջանային դատարանի կայացրած որոշումը կբողոքարկվի Վերաքննիչ դատարանում։ Բողոքները կներկայացվեն ընտրատարածքային ընտրական հանձնաժողովների կողմից՝ օրենքով սահմանված կարգով»,- ասված է ԿԸՀ տարածած հաղորդագրության մեջ։

Բացի այդ, ԿԸՀ-ն արդեն բողոքարկել է Գորիի շրջանային դատարանի որոշումը, ըստ որի՝ Գորիի թիվ 32 ընտրատարածքային ընտրական հանձնաժողովին հանձնարարվել է վերահաշվարկել նույն ընտրատարածքի 15 ընտրական տեղամասերի անվավեր ճանաչված քվեաթերթիկները։

ԿԸՀ-ն պնդում է, որ խորհրդարանական ընտրությունների ժամանակ ընտրողի քվեարկության գաղտնիությունը պահպանված է եղել։ Մասնավորապես, ըստ ընտրական վարչակազմի, քվեարկության գաղտնիությունն ապահովվել է հատուկ շրջանակ ծրարով, որի «ցուցումների համաձայն օգտագործումը բացառում է ընտրողի կամքի նույնականացումը»։

«Քվեաթերթիկի ետևի մակնշման նշանները, եթե այդպիսիք կան, հաշվի առնելով շրջանակ ծրարի նպատակը, չեն կարող համարվել կամքը նույնականացնող: Նշենք նաև, որ քվեարկության օրը և հաջորդ օրը ողջ երկրում ներկայացվել է ընդամենը 7 բողոք, և որևէ միջազգային կազմակերպության եզրակացությամբ չի հաստատվել ընտրությունների գաղտնիության խախտումը»,- ասում են ԿԸՀ-ից։