Վրաստանի արդարադատության նախարարությունը Բաթումիում նոր Արդարադատության տան տարածքը վարձակալել է գործարար, խորհրդարանական ցուցակի անդամ Գիորգի Ճղոնիայի ընկերությունից, որը նվիրատվություն է արել «Վրացական երազանքին»։ «Բաթումի ցենտրալ» ՍՊԸ-ին պետբյուջեից տարեկան կտրամադրվի 704 880 լարի։
Լրահոս
Ընթերցողի ընտրանի
- 1 Ես կտրականապես դեմ էի առանց վիզայի ռեժիմի կասեցմանը, բայց փոխեցի իմ դիրքորոշումը․ Ռոթ
- 2 Գախարիայի կուսակցությունից հայտնել են, որ ԿԸՀ-ում առկա ընտրակեղծիքների ապացույցները վտանգի տակ են
- 3 Եվրահանձնաժողովի գնահատմամբ՝ Վրաստանը չի կատարել անցյալ տարվա հանձնարարականները
- 4 Միջազգային ընտրական վարչությունը պետք է նորովի անցկացնի ընտրությունները. Վաշաձե
- 5 Բայդենի հայտարարությունից պարզ է դառնում, որ այս ընտրությունները չեն կարող լեգիտիմ ճանաչվել․ «Ուժեղ Վրաստան»
- 6 Եվրահանձնաժողովը խորհուրդ չի տալիս սկսել Վրաստանի անդամակցության շուրջ բանակցությունները
Բաթումիում երկրորդ Արդարադատության տունը բացվել է հուլիսին։ «Թրանսփարենսի Ինթերնեշնլ-Վրաստան»-ի տվյալներով՝ կառավարությունը Գիորգի Ճղոնիայից վարձակալել է ընդհանուր առմամբ 445 քմ տարածք և մեկ քառակուսի մետրի համար վճարում է 132 լարի։ Վարձակալության պայմանագիրը երեք տարով է և Գիորգի Ճղոնիայի ընկերությունը այս ընթացքում կստանա 2 114 640 լարի։
Վարչապետ Իրակլի Կոբախիձեն օգոստոսի 15-ին Գիորգի Ճղոնիային ներկայացրել է որպես «Վրացական երազանքի» կուսակցության ցուցակի անդամ։ Գործարարը խորհրդարանական ընտրություններում լինելու է Քոբուլեթիում իշխող կուսակցության պատվիրակը։
«Բիզնեսն աջակցում է «Վրացական երազանքին», և դա, ի թիվս այլ բաների, արտահայտվում է նվիրատվությունների միջոցով։ Ինչ վերաբերում է կոնկրետ տարածք վարձակալելուն, Գիա Ճղոնիան տարածաշրջանի խոշորագույն գործարարներից է, հետևաբար, միանգամայն հնարավոր է, որ նման գործարք կնքվի, և դա կապ չունի նվիրատվությունների հետ»,- այսօր ասել է Կոբախիձեն։
«Թրանսփարենսի Ինթերնեշնլ-Վրաստան» հետազոտության համաձայն՝ 2013 թվականից ի վեր Ճղոնիան և նրա բիզնես գործընկերները «Վրացական երազանքին» և իշխող կուսակցության կողմից սատարվող նախագահի թեկնածու Սալոմե Զուրաբիշվիլիին նվիրաբերել են ավելի քան 1 500 000 լարի, այդ թվում՝ այս տարվա հուլիսին՝ 135 000 լարի։ Ճղոնիայի ընկերությունները պետական գնումներից ստացել են շուրջ 350 միլիոն լարի, որից 15 միլիոնը՝ վերջին 9 ամիսներին։
