Մայիսի 17-ը, որը կաթողիկոս-պատրիարք Իլիա Երկրորդի որոշմամբ ուղղափառների շրջանում համարվում է ընտանիքի սրբության և ծնողների հարգանքի օր, ոչ աշխատանքային օր կլինի։ Համապատասխան որոշումը հրապարակել է վարչապետ Իրակլի Կոբախիձեն։
Լրահոս
Ընթերցողի ընտրանի
- 1 Իլիայի պետական համալսարանին ավտորիզացիա է տրվել մեկ տարի հետո մոնիտորինգի պայմանով
- 2 Խազարաձեն ներողություն է խնդրում հայերից իշխող կուսակցության «այլատյաց պոռթկումների» համար
- 3 Իվանիշվիլին պատերազմ հայտարարեց մեր բարեկամներին, որպեսզի կանգնի Մոսկվայի կողքին․ Զուրաբիշվիլի
- 4 Նման ամոթալի բան չեմ տեսել, պատրաստվել է ԿԳԲ-ի դարբնոցում․ նախագահը՝ «Երազանքի» պաստառների մասին
- 5 Պուտինի որոշմամբ Վրաստանի քաղաքացիների համար ընդլայնվել է առանց վիզայի ռեժիմը
- 6 Նախագահը կուսակցությունների հետ խորհրդակցություններ է սկսում տեխնիկական կառավարության կազմի շուրջ
Որոշումը վերաբերում է վարչական մարմիններին, որը ենթադրում է բոլոր պետական կամ մունիցիպալ մարմինները/հիմնարկները, հանրային իրավունքի իրավաբանական անձինք, ինչպես նաև՝ հանրային իրավական լիազորություններ իրականացնող ցանկացած այլ անձ։
«Վարչական մարմինը սահմանում է իր ենթակայության/իր համակարգում ընդգրկված ծառայությունները/աշխատողներին, որոնց սույն որոշումը չի վերաբերելու, եթե նրանց գործառույթների կատարումը պետական իշխանության իրականացման և հասարակության բնականոն գործունեության համար հրատապ անհրաժեշտություն է ներկայացնում։
Սույն որոշումը չի վերաբերում Վրաստանի Ազգային բանկի վերահսկողության տակ գտնվող անձանց առջև կատարվելիք ֆինանսական պարտավորություններին։
Սույն որոշումը չի վերաբերում «Պետական գնումների մասին» Վրաստանի օրենքով նախատեսված պետական գնումների հետ կապված գործունեությանը, այդ թվում՝ պետական գնումների հետ կապված գործունեությանը և պետական գնումների վեճերի քննարկման խորհրդի գործունեությանը»,- կարդում ենք կառավարության որոշման մեջ։
Մայիսի 17-ին Թբիլիսիում երթ է նախատեսվում ընտանիքի սրբության օրվա կապակցությամբ։ Պատրիարքարանի հասարակայնության հետ կապերի ծառայության տեղեկատվության համաձայն, ժամը 13:00-ին Քաշուեթիի Սուրբ Գիորգիի եկեղեցում պատարագից հետո կմեկնարկի երթ՝ դեպի Սուրբ Երրորդության պատրիարքական տաճար։
