Պետական անվտանգության ծառայության հակակոռուպցիոն գործակալությունը, նախնական համաձայնությամբ խմբով առանձնապես խոշոր չափերով կաշառք ստանալու մեղադրանքով, ձերբակալել է Ծալենջիխայի քաղաքապետարանի աշխատակիցներ՝ գույքի կառավարման վարչության պետ Թեմուր Մեբոնիային և նույն բաժնի մասնագետ Բ. Ձ․-ին։
Լրահոս
Ընթերցողի ընտրանի
- 1 ՌԴ արտաքին հետախուզությունը հայտնում է, որ ԱՄՆ-ը «գունավոր հեղափոխություն» է նախապատրաստում Վրաստանում
- 2 «Վրացական երազանքը» դադարել է երազանք լինելուց, այն դարձել է մղձավանջ. նախագահ
- 3 Թբիլիսիում երկաթուղային վթարի հետևանքով զոհվել է «Վրացական երկաթուղու» 2 աշխատակից
- 4 Ես պատրաստ եմ ստանձնել մեծ պատասխանատվություն, ներառյալ երկրորդ ժամկետով. Զուրաբիշվիլի
- 5 Հոկտեմբերին վրաց ժողովուրդը հնարավորություն կունենա հեռացնել խաբեբաներին․ սենատոր Ռիշ
- 6 «Մենք ուժ կգտնենք մեր մեջ, որպեսզի ներողություն խնդրենք». Իվանիշվիլին՝ 2008 թվականի պատերազմի մասին
Անվտանգության ծառայության տեղեկություններով՝ քննությամբ պարզվել է, որ մեղադրյալները Ծալենջիխայի մունիցիպալիտետի Ջվարի ավանում գտնվող 1550 քառ․ մ հողամասը աճուրդի հանելու դիմաց քաղաքացուց պահանջել և վերցրել են 20 000 լարի։
Հակակոռուպցիոն գործակալությունը գործը քննում է քրեական օրենսգրքի 338-րդ հոդվածի երկրորդ մասի «բ» և «գ» ենթակետերով։ Հանցագործությունը պատժվում է 7-ից 11 տարի ազատազրկմամբ։
Ծալենջիխան Վրաստանի 64 մունիցիպալիտետներից միակն է, որն ընդդիմադիր քաղաքապետ ունի։ Ծալենջիխայի քաղաքապետ Գիորգի Խարչիլավան չի մեկնաբանել աշխատակիցների ձերբակալությունը։ Քաղաքապետի առաջին տեղակալ Իվանե Բուրդուլին «Վրաստանի լուրերին» ասել է, որ դեպքի մանրամասներին չի տիրապետում։ Նրա խոսքով՝ Թեմուր Մեբոնիան քաղաքապետարանում աշխատում է շուրջ 40 տարի։